Yaŋ 121:7 - Yennu Gbouŋ Mɔɔr

⁷ Yennu saa nyinna ninbɔŋ kura ni; u saa dia-a nan laafia.

Yaŋ 121:7 ပူးပေါင်းရင်းမြစ်များ

Pinpiik 28:15

I mi nan n sii be nana faa saa saan siaminba kur, ki saa nyinna bonbiir ni, ki tan tunn jen nana nna. N kan nyikaani, see ki n tan tun linba kur ki n senn mɔsonn nan n saa tun na.”

1 Barkperii 4:10

Ki Jabes miar ŋamm Israel teeb Yennu, ki yet a, “Yennu, teent piisin n paak, ki te n yent-ii yab; ŋaant ki a nuu-ii paa n paak, kii guun, ki bonbiir daa baatin, ki mii fɔk nan tont.” Ki Yennu gat turɔ linba ki u miar na.

Yaŋ 145:20

Ŋɔɔe guu binba loonɔ na kur, ŋaan u saa biir biit damm nawa.

Yaŋ 34:22

Yennu saa tinn u niib; ki binba baat u boor ki gurin na saa la tinnu.

Yaŋ 41:2

Yennu sii guu-u ki u mɔk manfoor, u saa te ki u be tiŋ na ni, ki mɔk parpeenn, u kan ŋaau yann ki te ki u datai diau.

Yaŋ 97:10

Yennu loon niib nba ki tuun biit nae; ŋɔɔe guu u niib manfoor; ŋɔɔe nyintib biit damm paŋ ni.

Barjokit 12:21

Bonbisiar kan teen niŋammi, ŋaan nibiit na ŋarin ki mɔk siar ki ji pukin daamii po.

Nikant 6:24

Yennu n teen piisin i paak, kii biaki gorii-i.

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

Rom Teeb 8:28

Binba ki Yennu yiimm na, u mɔk linba paak ki u yiimme, ki bi mɔk lomm nanɔ, ki ti mi nan linba kur tuun, u te ki li tee bonŋann ki teen ŋamme.

2 Timoti 4:18

Ŋɔɔe bia saa nyinnin bonbiir kur ni, ki kɔɔnin u naan nba be sanpaapo na ni nan laafia. Ŋɔɔe yen dontir mɔkmɔk nan mɔkmɔk. Mamɔmm.