Yaŋ 119:73 - Yennu Gbouŋ Mɔɔr

⁷³ Fine namin, ki bia dian fanu, turimin bannu ki man fit tumii a sennu.

Yaŋ 119:73 ပူးပေါင်းရင်းမြစ်များ

1 Barkperii 22:12

A Yomdaanɔ Yennu n tura yanfoon nan bannu, ki lin te ki a fit dia Israel teeb nan u sennu nba tee biaŋinba na.

2 Barkperii 2:12

Pakin Israel teeb Yomdaanɔ Yennu, wunba nan sanpaak nan tiŋ. U tur kpanbar Defid bik nba mɔk yanfoon, ki gbee nan bannu nan subinii, ki u dukin nan wun maa ŋaak ki tur Yennu, ki bia maa u mɔŋ ŋaak.

JOB labaar 31:15

Yennu nba turin manfoor na, li Yennu-e bia tur n toontunna manfoor.

JOB labaar 32:8

Ŋaan Yabint Yennu Seeke teen niib yanfoon,

Yaŋ 100:3

Ii bann nan Yennu-e tee barmɔnii Yennu. Ŋɔɔe nant, ki ti tee u niib. Ti tee u niibe, u tiɔŋ niib.

Yaŋ 111:10

Yentinue tee yanfoon pinpiik, ki binba kur waa u sennii na mɔk bannu. Dontir-ii tee u yar yoo kur.

Yaŋ 119:125

N tee a daabire; turimin bannu, ki man bann a wannu.

Yaŋ 119:144

A sennii tee mamɔmme yoo kur; turimin bannu ki mii yɔɔ kii mɔk manfoor.

Yaŋ 119:169

Yennu, ŋaant ki n mɔnii na n baar a boor. Turimin bannu nan faa senn mɔsonn biaŋinba na.

Yaŋ 119:34

Wantin a sennu maŋ paak ki man diar, n saa diar nan n par kure.

Yaŋ 138:8

A saa tun linba kur ki a senn mɔsonn nan a saa tun nawa. Yennu, a lomm kaa gbennu, gbent toonn nba ki a piin na.

Yaŋ 95:6

Baat man ki tin gbaan ki jiantɔ; ŋaant ki ti gbaan Yennu nba turit manfoor na tɔɔnn,

2 Timoti 2:7

Ii dukii linba ki n beera na po, kimaan ti Yomdaanɔ saa te ki fan fit bann li kura paak.

Jeems 3:18

Binba mɔk parmaasir ki te ki parmaasir baat niib sinsuuk ni na, ŋamme te ki yentinu be.

1 Jɔɔnn 5:20

Ti mi nan Yennu Bija Yiisa din sik tingbouŋ na ni ki tan turit yan a tin bann ŋɔɔ barmɔnii Yennu. Taa gaa nan u Bija Yiisa Masia na paak, ŋanne bia te ki ti gaa nan u Baa Yennu; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.