Yaŋ 119:53 - Yennu Gbouŋ Mɔɔr

⁵³ Mi-i la biitdamm na ki dia a sennu yoo nba, li tuu donn n wutoore.

Yaŋ 119:53 ပူးပေါင်းရင်းမြစ်များ

Esra 10:6

Ki Esra ji seet Yenjiantu ŋasaakak na nanyer po, ki kɔɔ Jehohanann, wunba tee Eliasib bija na diiuk ni, ki li nyiɔk ki u dɔɔr leŋ, ki be parbiir ni ki jiin mɔyêtdamm nba din nyii Babilonn ki jen na po. U din ki dii koo ki nyuu siari.

Esra 9:14

Tɔn, nlee ki ti bia saa yêt a sennii na ŋaan kii biaki kɔɔnt niyoona na? Li-i tee ki ti tuun nna, a saa mantik donn wutoor ki lin biirite fas fas, ki kan te nan yenɔkɔɔwa n tenni.

Esra 9:3

Maa din gbat linba na yoo nba ki n par biir, ki n pat pat n liant, ki bia ŋabir n yut nan n tiaŋ, ŋaan ji kar tiŋ ni, ki yaa n kpo nan parbiir,

Nehemaya 13:25

Ki n yakii nan jab na ki porib mɔb, ki boob, ki gut bi yut, ki te bi lor mɔlor Yennu sann ni nan ŋamm koo bi waas kan ban kɔɔn boorganu.

Nehemaya 5:6

Maa gbat bi maan maŋ yoo nba, ki n wutoor doo,

Yaŋ 119:136

N ninnyuut puub nan mɔkir nae, kimaan niib nba ki dia a sennu na paak.

Yaŋ 119:158

Mi-i got biitdamm na, n tuu yaa man put nan wutoore, kimaan bi ki dia a sennii na.

Yaŋ 89:30

“Ŋaan li-i tee ki u yaaboona na ki mɔk mɔsaku nan n sennu, ki bia ki waa n wannu na,

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Daniel 4:19

Ki jijeet kɔɔ Daniel, wunba ki bi yiu Beltesasar na, ki u ki fit yet siar. Ki kpanbar na yetɔ a, “Beltesasar, a daa te damiit na, koo li paak mɔka jaŋmaanii.” Ki Beltesasar jiin a, “Chanbaa, n sunman damiit na, nan laa want linba, lii bonii gaa a datai paake, ŋaan bo daa tee fini.

Habakuk 3:16

Ki n gbia linba na kura ki jekir, ki n mɔgbana jekir nan jaŋmaanii, ki n gbanant baŋ, ki n taa ji jekir. N saa guur soon nnae, ki saa tuu yoo nba ki Yennu tan saa dat binba lekint na tuba.

2 Korint teeb 12:21

n bia mɔk jijeet nan Yennu saa te ki n di fei i paak; ki n par saa biir i bonchiann paak, kimaan bi poŋ tun toonbiit, nan jakint toona, nan bonchonchonn toona, nan lammeeuk, ki ji ki tiin fei, ki bia ki nyik bi biit maŋ tumu.

Filipi teeb 3:18

N poŋ din beti linba na po yoo nba gar nawa, ŋaan n bia ŋammit beerie mɔtana nan ninnyuut, a nisiab be ki bi binbeŋ teemm Masia dapunpunn paak kuun na datai.