Yaŋ 119:34 - Yennu Gbouŋ Mɔɔr

³⁴ Wantin a sennu maŋ paak ki man diar, n saa diar nan n par kure.

Yaŋ 119:34 ပူးပေါင်းရင်းမြစ်များ

1 Barkperii 22:12

A Yomdaanɔ Yennu n tura yanfoon nan bannu, ki lin te ki a fit dia Israel teeb nan u sennu nba tee biaŋinba na.

JOB labaar 28:28

Ki Yennu yet nisaarik a, “A tin min Yennu jaŋmaanii, ŋanne tee yanfoon; ki bia nyik toonbiit tumu, ŋanne tee bannu.”

Yaŋ 111:10

Yentinue tee yanfoon pinpiik, ki binba kur waa u sennii na mɔk bannu. Dontir-ii tee u yar yoo kur.

Yaŋ 119:10

N loon man weia nan n par kurewa, ii guun ki n daa mɔk mɔyêtuk nan a sennii.

Yaŋ 119:100

N sub ki gar nikpera, kimaan maa saak a sennii na.

Yaŋ 119:104

A senniie teenin subinii, li paak ki n yêt toonbiit tumu.

Yaŋ 119:125

N tee a daabire; turimin bannu, ki man bann a wannu.

Yaŋ 119:130

Niib-i bann a maan paak, li tuu turib yentue, ki teen binba ki mi siar na yan.

Yaŋ 119:144

A sennii tee mamɔmme yoo kur; turimin bannu ki mii yɔɔ kii mɔk manfoor.

Yaŋ 119:169

Yennu, ŋaant ki n mɔnii na n baar a boor. Turimin bannu nan faa senn mɔsonn biaŋinba na.

Yaŋ 119:2

Parpeenn be binba waa u sennu na paak, binba saak u mɔb nan bi para kur.

Yaŋ 119:58

N meia nan n par kur, a fii mɔk ninbatinu n paak nan a mɔsonn nba tee biaŋinba na.

Yaŋ 119:66

Turimin yan nan bannu, kimaan n teen yada nan a senniiwa.

Yaŋ 119:69

Biitdamm na fa faake ki paantin, ŋaan n saak a wannue nan n par kur.

Yaŋ 119:73

Fine namin, ki bia dian fanu, turimin bannu ki man fit tumii a sennu.

Yaŋ 39:2

Ki n ŋmin soon nna, ki ki yet siari, ki lek ki pak nan bonŋanna, ŋaan ki n fara na ŋamii pukii.

Matiu 5:19

Li paak, wunba yêt Yennu sennu maŋ yennkɔɔ gbaa, ki bia wann leeb nna maŋ, u tan sii tee tarike Yennu naan ni; ŋaan wunba waa sennu maŋ fanu, ki bia want u leeb fanu, ŋɔɔe tan sii tee nijaann Yennu naan na ni.

Matiu 7:24

“Li paak, wunba kur gbia n maan na ki waa-r fanu, n saa nannɔ nan yandaansɔɔ nba din maa u ŋaak tanpiiuk paak nae;

Jɔɔnn 7:17

Wunba loon wun tun Yennu yanbɔɔtoona, ŋɔɔe saa bann nan linba ki n want na nyii Yennu boor, koo n piak n mɔŋ yare.

Sennu 4:6

Sakin ki weir man fanu, ŋanne saa wann boorganu nba kpia-i na nan i sub. Ki bi-i gbat sennii na kur, bi saa yet a, ‘Yanfoon nan bann boorbee na ki niib na mɔkii?’

Jeems 1:25

Ŋaan wunba dukii sennŋann nba fit nyint niib biit daabisin ni, ki ki tammir, ŋaan mɔk gbankur ki tuun biaŋinba ki li wann na, parpeenn tee li daanɔ yare, kimaan u toonn na paak.

Jeems 1:5

Li-i tee ki i sɔɔ pɔt yan, wun miar Yennu nba pi sɔɔ kur piinii nan burchint, ki ki dint sɔɔ fei na, ki u saa turɔwa.

Jeems 4:11

N naa waas, i daa piak mabiit leeb paaki. Wunba piak mabiit u naa bik paak ki biirɔ, u piak biir Yennu sennue. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.