Yaŋ 119:21 - Yennu Gbouŋ Mɔɔr

²¹ A sikint binba dont bi mɔŋ nae, ki mɔpora be daansiab nba ki dia a sennii na paak.

Yaŋ 119:21 ပူးပေါင်းရင်းမြစ်များ

Nehemaya 9:16

Ŋaan ki ti yeejamm na donn bi mɔŋ ki teen tubkangbata, ki yêt bin sak a sennii na.

Nehemaya 9:29

A din kpaanib a bin sak a wannu, ki bi karinbaanii paak ki bi yêt a sennii, ŋaan a sennu na dianue tee manfoor sɔnu. Bi mɔyêtuk nan bi tubkangbatin na paake, ki bi ŋmant bi poor ki tura.

Yaŋ 119:10

N loon man weia nan n par kurewa, ii guun ki n daa mɔk mɔyêtuk nan a sennii.

Yaŋ 119:110

Biit damm na pii baruko ki guunin, ŋaan n ki yêt a kpaanii.

Yaŋ 119:118

A yêen binba kur ki saak a sennii nae, bi kpinkpannii lora na ki mɔk nyɔɔti.

Yaŋ 119:78

Ŋaant ki karinbaandamm na n di fei nan baa fa faak ki biirin na, min ŋarin sii dukii a wannu na poe yoo kur.

Yaŋ 138:6

Faa lek be sanpaapowa na, ŋaan a baka be tarii po, karinbaandamm na kan fit bɔr ki a daa laatibi.

Nyinu 10:3

Ki Moses nan Aarɔnn saan kpanbar na boor ki saa yetɔ a, “Timm Hiibru teeb Yomdaanɔ Yennu yet a, ‘Taar munŋaae ki a saa yêt fan sikin a mɔŋ ki turimi? Chabin n niib ki bin saan ki jiantin.

Nyinu 18:11

Mɔtana, n mi nan Yennu-e tee Yenjaann ki gar yennii nba kur be, kimaan u tun linba na, yoo nba ki Ijipt teeb dia Israel teeb nan nɔɔntont nae.”

Aisaya 10:12

Ŋaan Yennu yet a, “Mi-i gbenn linba ki n tuun Sayɔnn kunkonn paak nan Jerusalem na yoo nba, n saa dat Asiria kpanbar tubir nan waa want u mɔŋ ki faa kpinkpant na.”

Aisaya 42:24

Ŋmee jii Israel teeb ki tur fat-teeb na? Li tee Yennu nba ki ti tuun biirɔ na tiɔŋo. Ti ki be nan waa loon tii be na, koo ki sak tumiiu nba ki u turit na.

Aisaya 43:28

ki i doo diara biir n kasii boor. Ŋanne ki n baar nan biiru yimm Israel teeb paak, ki te ki bi sukii yimm n tiɔŋ niib.”

Jeremaya 44:16

“Maan nba ki a piak teent Yennu sann ni na, ti kan gbiinti.

Daniel 4:37

“Mɔtana, min Nebukanesar piak ki baakit ki dont Kpanbar nba be Yendɔuŋ ni na. Waa tuun linba kur, li ŋan, ki took, ki u fit sikint wunba kur donn u mɔŋ.”

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Barŋanii nba ki LUK din sɔb nae na 14:11

Kimaan wunba kur dont u mɔŋ, Yennu tan saa sikinɔ; ŋaan wunba sikint u mɔŋ, Yennu tan saa donnɔ.”

Barŋanii nba ki LUK din sɔb nae na 18:14

Ki Yiisa ŋamm yetib a “N beerie, lampogaartɔɔ nae, li ki tee Farisii nirɔ na kaa, ki Yennu din sak u miaru ki gaarɔ, ki u ji kun. Wunba kur dont u mɔŋ, Yennu saa sikinɔ; ŋaan wunba mun sikint u mɔŋ, Yennu tan saa donnɔ.”

Galasia teeb 3:13

Ŋaan ti din be Yennu mɔtomm nie, kimaan ti din ki fit wei sennu maŋ fanu, ŋaan Masia tiɔŋo din gaar ti paak, ki be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak, Yennu mɔtomm be u paak.”

Sennu 28:15

“Ŋaan li-i tee ki i ki mɔk mɔsaku nan i Yomdaanɔ Yennu fanu, ki ki dia u sennu nan u wannu kur nba ki n teeni dinna na, bonbiir nba na kur saa baariwa.

Sennu 30:19

Mɔtana n teeni yaake ki i gann manfoor koo kuun; i gann Yennu piisin koo Yennu mɔtont. N yi sanpaak nan tiŋ maa bin di siara nan linba ki i gann. Gant manfoor.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a, “Yennu kɔn nan karinbaandamme, ŋaan sommit binba sikint bi mɔŋ.”

1 Piita 5:5

Nnae mun, yimm nba tee nipaauŋ, ii saak saakab mɔi; ki i kur-ii gaan leeb mɔi, ki teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”