Yaŋ 119:11 - Yennu Gbouŋ Mɔɔr

¹¹ N dia a sennu nae n par ni a lin te ki n daa tuun biit ki teena ni.

Yaŋ 119:11 ပူးပေါင်းရင်းမြစ်များ

JOB labaar 22:22

A gaar u wannu nba ki u teen; ki teen u maan na a par ni.

Yaŋ 1:2

Bi parmaasir nyi baa saak Yennu sennu na niŋe, kimaan bi dukii sennu maŋ poe yoo kur.

Yaŋ 119:97

N loon a sennu bonchiann. N dukii li poe daar kur.

Yaŋ 19:13

Dɔkint min a daabir, ki min nyi garuk yanbɔmm ni. A daa te ki n yanbɔmm diinin, ki n sii fit be fanu, ki nyi yanbɔntoona ni.

Yaŋ 37:31

ki u dia Yennu sennu u par ni, ki ki nyikin.

Yaŋ 40:8

Yennu, n loon man tun a loomm, ki a sennu be n par ni.”

Barjokit 2:1

Tumiin linba ki n wanta na, ki daa ban tammit linba ki n yeena maa a tun na.

Aisaya 51:7

“Gbiintir turin man, yimm nba mi linba ŋan, ki tee binba jii n tumiiu ki teen bi para ni. I daa tiin jaŋmaanii, li-i tee ki niib yisimi ki sukii-i.

Jeremaya 15:16

A pak nanime, ki n gbiint mɔbonn kur. Yabint Yennu nba tee yiikoo daanɔ, n tee a yɔɔe, a mɔmaame gbeen n par nan kpinkpammuk nan parpeenn.

Barŋanii nba ki LUK din sɔb nae na 2:19

Ŋaan Meeri din tian linba tun na kur, ki dukii li po u par ni bonchiann.

Barŋanii nba ki LUK din sɔb nae na 2:51

Ŋanne ki bi din ŋmat nan Yiisa ki sik Nasaref, ki u saak bi mɔb. Ki u naa tian linba tun na kur u par ni.

Kolosa teeb 3:16

Li kpaa talas ki Masia labaar na-ii be i para ni chib chib, ki yii want i leeb, kii bia kii kpaan i leeb nan yan; kii yiin Yennu gbouŋ ni yanii, nan Yenpaku yanii, nan Seyeeŋ yanii; kii yiin yanii maŋ nan niipoturu para kii teen Yennu.