Yaŋ 119:109 - Yennu Gbouŋ Mɔɔr

¹⁰⁹ N teen siir nan min chibin n saaŋmaŋ yoo kur; n ki tamm a sennu na po.

Yaŋ 119:109 ပူးပေါင်းရင်းမြစ်များ

JOB labaar 13:14

N teen siir nan man chibin n saaŋmaŋa.

Yaŋ 119:117

Ii dian ki mii be n yamani; ki n sii yɔɔ gbiin a sennii na.

Yaŋ 119:152

Yaayoo niewa ki n din tumii, ki bann nan a sennii maŋ yɔɔ be-e.

Yaŋ 119:16

N par man a sennii na paak, n kan tamm li po.

Yaŋ 119:83

N ki mɔk nyɔɔt nan dalenchiɔk nae, ŋaan n lek ki tamm a sennii na po.

Rom Teeb 8:36

Li teen ki turit nan laa sɔb biaŋinba Yennu gbouŋ ni nae a: “A paake ki ti be kuun ninbɔŋ ni yoo kur, ki tee nan peeuk nba ki bi tuu tee siir a bin kpiu na.”

1 Korint teeb 15:31

N naa waas, n mɔk parbifaant i paak nan yaa be biaŋinba nan ti Yomdaanɔ Yiisa Masia na, linba na paake ki n yeen a n tookit kuun yoo kur na.

2 Korint teeb 11:23

bi-i yi bi mɔŋ Masia toontunnaie, mine mantik tuun; (n piak nan jatuk nae; teentin gafara man;) mine set tun Masia toona bonchiann nan barmɔnii, ki kɔɔ dansarii bonchiann. Niib boon kpaasa bonchiann Masia paak. N din la ninbɔŋ ki per kuuma.

Barbuura 12:3

Maa la nan i kan baar na, ki n chibin n saaŋmaŋ ki poot kpaar ki kɔn namm, ki Yennu te ki n nyannib. Bee teen ki i ji baat a yin kɔn nanin dinna?”

1 Samuel 19:5

U din chibin u saaŋmaŋe, yoo nba ki u din kpii Goliaf na, ki Yennu te Israel teeb kur la nyannu. Faa din la nna na, ki a mɔk parpeenn, ki bee teen ki a loon fan kpi niŋanɔ Defid, ki li ki mɔk paak nan waama?”

1 Samuel 20:3

Ki Defid yet a, “A baa mi fanu nan a loon n maan, ki u ji lor nan u kan wanna waa dukii wun tun linba, kimaan li saa daamiiwa. N por nan Yennu nba fo na nan n ji ki fɔk nan kuumi.”