Yaŋ 113:4 - Yennu Gbouŋ Mɔɔr

⁴ Yennu-e dia digbana kur, u baakir doo gar sanpaaka.

Yaŋ 113:4 ပူးပေါင်းရင်းမြစ်များ

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

Yaŋ 148:13

ŋaant ki bi kur n pak dont Yennu sann. U sann yab ki gar sanlia kur, ki u baakir yab ki gar sanpaak nan tingbouŋ na kur.

Yaŋ 8:1

Yennu, fin nba tee ti Yomdaanɔ na, tingbouŋ na munn laat a yabint nba tee biaŋinba. A dontir do ki baat sanpagbant.

Yaŋ 97:9

Yabint Yennu, fine tee tingbouŋ na kur diatɔɔ; a tee Yenjaanne ki gar yenbis kur.

Yaŋ 99:2

Yennu-e tee Yabint daanɔ, Sayɔnn kunkonn paak; ŋɔɔe tee digbana kur kpanbarjaann.

Aisaya 40:15

Yennu boor, digbana tee yanne, li tee nan nyun nba tuu too kpek nae. Kunkona nba see mɔkgbeŋa ni na fukii nan tangbiruŋ nae.

Aisaya 40:17

Digbana na ki tee siar u boori.

Aisaya 40:22

Wunba kar u naan gbant paak nae din nan durinya na. U be tingbouŋ nan sanpaak liik poewa, ki nisaarii nba be tingbouŋ na ni waar ki tee nan lannyanii na. Ŋɔɔe jɔnn sanpagbouŋ na nan jinjɔŋ na, ki li naan diiuk nba ki nirɔ sii be li ni.

Aisaya 66:1

Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?