Yaŋ 112:5 - Yennu Gbouŋ Mɔɔr

⁵ Parpeenn be daanɔ nba nuu yaa ki u kpentir bona ki teen niib, ki bia dia barmɔnii ki tuun u toona na paak.

Yaŋ 112:5 ပူးပေါင်းရင်းမြစ်များ

Nehemaya 4:13

Ŋanne ki n tur niib na jukbanjai nan kpana nan tɔrbana, ki sennib naakuuk naakuuk, joonn na lanpoor, siaminba ki bi daa ki maa gbenn na.

Yaŋ 37:21

Nɔɔnbiit daanɔ kpentir, ŋaan ki ki pa jiint, niŋanɔ ŋarin teen nan u par kure.

Barjokit 12:2

Yennu par peen niŋamm paake, ŋaan biir damm nba lorin bonbiir na.

Barjokit 17:18

Yankaarin daanɔe saa sat mɔb nan u saa sak gaar sɔɔ pann ki pa.

Barjokit 18:9

Gbannyakdaanɔ nan wunba tee toonbiiuk daanɔ, bi kur biit tee yommo.

Barjokit 2:20

Li paak, see ki a wei niŋamm binbeŋ, kii be binbeŋ nba tee yentinu benu.

Barjokit 24:27

Ŋammit a kpaab ki bur jeeta ki fit piin ŋaak maanu.

Barŋanii nba ki LUK din sɔb nae na 23:50

Jasɔɔ din be ki u sann tee Joosef, ki u nyii Juu teeb doo nba ki bi yir Arimatea na, ki din tee niŋanɔ nba ki bi chɔrimɔ, ki u guu Yennu naan baaru. U din tee Juu teeb yudaan-yenɔe, ŋaan u din ki sak nan Juu teeb yudaanleeb lora, nan bi toona nba ki bi tuun teen Yiisa na.

Barŋanii nba ki LUK din sɔb nae na 6:35

“Li paak, ii mɔk lomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, yaa daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan binba tee biitdamm na.

Jɔɔnn 6:12

Baa gboo yoo nba, ki u yet u poorpoweiteeb na a bin tikir jeet nba tenn na, ki li daa biiri.

Toona 11:24

Banabas din tee niŋanɔe, ki mantik gbee nan Yennu Seyeeŋ nan yada, ki niib bonchiann din teen ti Yomdaanɔ Yiisa yada ki waau.

Rom Teeb 12:11

kii tee nikakitii, ki daa tiin gbannyakiri, ŋaan kii tuun ti Yomdaanɔ toona nan i para kura,

Rom Teeb 5:7

Li paar nan nirɔ n gaar nipeemɔ paak ki kpo, ŋaan li pasiar a saa la sɔɔ n gaar niŋanɔ paak ki kpo;

Efesus teeb 5:15

Li paak, ii mi man yaa be biaŋinba, ki daa be jatbenu, ŋaan kii tee subindamm.

Filipi teeb 1:9

N mei Yennu maa i lomm-ii yɔɔ kii pukii yoo nan yoo, ki i barmɔnii bannu nan i subinii kura-ii biaki pukii,

Kolosa teeb 4:5

Ii mi man i binbeŋ nba tee biaŋinba ki tur binba ki tee Masiaweira na, ki jii i yoo kii piak u po.