Yaŋ 110:6 - Yennu Gbouŋ Mɔɔr

⁶ U saa bu digbana buut, ki te ki nikpeena lar tɔb ni; u saa nyann kpanbara tingbouŋ na kur po.

Yaŋ 110:6 ပူးပေါင်းရင်းမြစ်များ

Pinpiik 3:15

N saa teen dataar fin nan poo na sinsuuk ni, ki a yaaboona nan u yaaboona sii tee datai. U yaaboonn saa mat a yur, ki a mun saa jun u yaaboonn taagbinn.”

Yaŋ 68:21

Barmɔnii, Yennu saa yeer u datai yura, ŋamme tee binba yɔɔ be bi yanbɔmm sɔnu ni na.

Yaŋ 68:22

Yennu yet a, “N saa nyinn i datai Basann ki jen namm, ki bia nyinnib mɔkgbeŋa ni ki jen namm,

Aisaya 11:3

ki sii mɔk parpeenn nan Yennu mɔsaku. U kii gorii numpo koo ki gbia bi yaa kaa ki bu buuti.

Aisaya 2:4

U saa ŋamm barii nba be digbanjaana sinsuuk ni na. Bi saa jii bi takoobii ki kur sɔkit, ki jii bi kpana ki kur gɔtit. Digbana ji kan ban saan tɔbu, bi kan ban teen tɔb siiri.

Aisaya 42:1

Yennu bia yet a, “N toontunnɔe na, ŋɔɔe ki n kɔɔnɔ paŋ. Ŋɔɔe ki n gannɔ, ki n par mei u paak. N jii n Seeke ki teen u ni, ki u saa baar nan buut nba took digbana kur paak.

Aisaya 42:4

U kan ŋaa tama, koo dindanni; u saa baar nan mamɔmme durinya paak. Digbanbanfɔka damm kpan guu u tumiiue.”

Aisaya 51:5

N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 66:24

“Bi-i nyii yoo nba, bi saa la binba yêt n mɔb na gbanankpeena dɔɔ dɔɔ. Ki nanwuba nba kɔɔb na kan ban kpo-o, ki muu nba dib na kan ban kpeeni. Ki li yiar ni sii pɔi bonchiann ki teen nisaarik kur.”

Esekiel 39:4

Ki Gog nan u kunkɔnkɔnna nan u sommteeb na saa kpo, ki dɔɔ Israel kunkona paak. Ki n saa te nɔɔnii nan muuk ni bonkobit n jii bi gbanant, ki teen bi jeet.

Maika 4:3

U saa bu niib bonchiann buut, ki bia pat tingbouŋ na kur kunkɔna. Ki bi saa faa mab bi jukbanjai ki lin kpant kubɔnii, ki bia mab bi kpana ki lin kpant gɔtit. Ki digbana ji kan ban saan tɔbi, koo ki ji ban dukin nan bi saa faa tɔbi.

Habakuk 3:13

Ki a nyii, a fan tinn a niib, ki bia tinn a kpanbar ganntɔɔ na. Fine faa toonbiit damm tɔɔndaanɔ na ki birɔ tiŋ ni, ki bia boont u poorpoweiteeb na fas fas.

Jɔɔnn 5:22

“N Baa ki bu sɔɔ buuti, ŋaan u chab min, u Bijae, a mii bu niib buut,

Fiitu 14:20

Ki bi ŋmakir lɔɔna na doo na kpiŋ, ki sɔn nyii siaminba ki bi ŋmakii lɔɔna na ki tan pubir, ki li fɔkint saan nan maar kobiinlee nawa, ki li sumiiu saa baar taabatii ŋanŋmuwa.

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”