Yaŋ 110:4 - Yennu Gbouŋ Mɔɔr

⁴ Yennu senn mɔsonjaanne, ki kan ban yakir mɔsonn maŋ paak. U yet a, “A sii yɔɔ tee manntɔɔe, Melkisedek paabu ni.”

Yaŋ 110:4 ပူးပေါင်းရင်းမြစ်များ

Pinpiik 14:18

Ŋanne ki Salem bat Melkisedek baar nan jeet nan daan. U din tee Yabint Yennu manntɔɔe.

Yaŋ 132:11

A din senn mɔsonjaanne ki tur Defid, mɔsonn nba ki a kan ban nyik a: “N saa dinn a bonjai na yenɔ naan, ki u tan saa set a seenu ni ki dia a niib yoo nba ki a kaa.

Sekaria 6:13

Ŋɔɔe tee wunba saa ŋamm maa ŋasaakak maŋ, ki gaar jirima nba jaŋ nan kpanbar, ki bia sii dia u niib. Manntɔɔ sii be u naan binbintir boor, ki bi sii tuun nan leeb nan parmaasir nan mɔtaauk.’

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

Hiibru teeb 5:6

Ki siar po u bia yet a: “A sii yɔɔ tee manntɔɔe, Melkisedek paabu ni.”

Hiibru teeb 6:20

Yiisa din gaar ti paak ki teen sɔnliitɔɔ, ki gar saan diiuk maŋ ni, ki teen ti manntɔyudaanɔ mɔkmɔk nan mɔkmɔk, ki tee Melkisedek paabu ni manntɔɔ.

Hiibru teeb 7:11

Yennu din tur Juu teeb sennu ki wann Liifai teeb bi mannu toona nba sii tee biaŋinbae. Ki Liifai teeb maŋ toona-i diŋi be fanuie, li din bo kii kpaa talas ki manntɔganɔ, wunba ki nyii Aarɔnn maaru ni ŋaan see Melkisedek setu ni na n baari.

Hiibru teeb 7:17

Kimaan bi din sɔb u po Yennu gbouŋ ni a, “A sii yɔɔ tee manntɔɔe, Melkisedek paabu ni.”

Hiibru teeb 7:21

Ŋaan Yiisa din teen manntɔɔ, yoo nba ki Yennu din sat mɔb ki betɔ a: “Min Yennu sat mɔb ki ji kan lebit n dudukit, ki yet a ‘Fine sii tee manntɔɔ mɔkmɔk nan mɔkmɔk.’ ”

Hiibru teeb 7:28

Moses sennu na tuu gann nisaariie ki teemm mannteeb yudamm, ki bi lek ki be fanu. Sennu maŋ poorpoe ki Yennu din sat mɔb nan u Bija Yiisa, wunba sii yɔɔ be fanu mɔkmɔk nan mɔkmɔk, ki teenɔ manntɔyudaanɔ.

Fiitu 1:6

ki te ki ti tee u naan ni niib nba tee mannteeb, a tin tun u Baa Yennu toonn; ŋɔɔe yen paku nan paŋ mɔkmɔk nan mɔkmɔk. Mamɔmm.