Yaŋ 109:25 - Yennu Gbouŋ Mɔɔr

²⁵ Niib-i lan yoo nba, bi laame, ki pakin bi yura, ki sarikitin.

Yaŋ 109:25 ပူးပေါင်းရင်းမြစ်များ

JOB labaar 16:4

Li-i bonni tee ki i be n binbeŋ na booru ni, ki n mun be i binbeŋ na ni, n bo saa fit yet yaa piak linba na kurawa. N bo sii gumii n yure nan subinii, ki pak nani mɔbona bonchiann.

Yaŋ 22:8

ki yeen a, “U teen Yennu yadae, ŋaant Yennu maŋ n tinnɔ; Yennu maŋ-i loonɔ, bee ki u kan sommɔ?”

Aisaya 37:22

a Yennu yet a, “Jerusalem doo laa fin Senakerib-e, ki sarikita.

Barŋanii nba ki MAK din sɔb nae na 15:29

Tɔn, ki binba somm gaar leŋ na gumii bi yura ki sukiiɔ, ki yeen a “Fine yaa a saa fit bet Yenjiantu diiuk na ŋaan bia jii daa ŋantaa ki maar.

Rom Teeb 15:3

Ŋɔɔ Masia din ki loon wun tun u mɔŋ loommi. Li sɔb Yennu gbouŋ ni a, “Binba sukii fin Yennu na, bi sukii mine.”

Hiibru teeb 12:2

Ŋaant ki tin kpan kpaa ti ninbina Yiisa paak; ŋɔɔe ki ti yada gaa u paak li pinpiik niwa nan li joontu na ni. Dapunpunn na din ki te ki u nyik yabiru. Parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak, u niidiitu po mɔtana.

Hiibru teeb 13:13

Li paak, ŋaant ki tin nyi ki saan u boor man, ki sak di fei nanɔ.