Yaŋ 107:22 - Yennu Gbouŋ Mɔɔr

²² Bin jii maruŋ ki turɔ niipoouk nan yanii nba tee parpeenn yanii, ki lin wann waa tun linba kur.

Yaŋ 107:22 ပူးပေါင်းရင်းမြစ်များ

Yaŋ 116:12

N saa tur Yennu bee u ŋamm nba kur ki u tun ki turin na paaki?

Yaŋ 116:17

N saa tura niipoouk maruŋo ki jii n miaru ki tura.

Yaŋ 118:17

N kan kpo, n sii foe ki mɔɔntir linba Yennu tun.

Yaŋ 27:6

Ki n saa nyann n datai nba lintin na; ki u ŋasaakak niŋe ki n saa yikin nan kpinkpammuk, ki mann maruŋ, ki yin yaŋ ki dont Yennu.

Yaŋ 50:14

Ii ŋaan ki i niipoturu-ii tee i maruŋ ki teen min Yennu, ki bia tuu tur min Yabint Daanɔ linba kur ki i senn mɔsonn.

Yaŋ 73:28

Min ŋarin, li ŋan bonchiann nan maa naak Yennu na, n jii Yabint daanɔ Yennu ki u teen n gungurboor. N saa pak wann u toona kur.

Yaŋ 9:11

Yinin dontir yaŋ ki dont Yennu, wunba tee kpanbar ki be Sayɔnn digbanjaann ni na, pakin wann sɔɔ kur waa tun linba.

Yaŋ 9:15

Binba ki jiantira na gbiir bootite, ki bia ŋmat baa leŋ; bi tiɔŋ baruko soorib.

Aisaya 12:4

Daar baate ki niib saa yin yaŋ na a, “Turin Yennu niipoouk. Yiintɔ ki wun somma. Pakin digbana kur, waa tun linba. Wantib u yiikoo nba jan.

Liifai teeb 7:12

Li-i tee ki sɔɔ mann maruŋ na booru, ki li tee niipoturu, wun baar nan bonkobuk nan boroboro nba ki ŋmat datiŋ. Li-i tee boroboro nba ŋmat kpan ki kpakii, koo lilaat nba ki bi far kpan, koo lilaat nba ki bi jii yon nba ŋmat kpan ki sinnir,

Hiibru teeb 13:15

Li paak, ii ŋaan ki tii dontir Yennu yoo kur Yiisa sann ni; paku nba nyi ti mɔi ni nae tee mannu ki turɔ.

1 Piita 2:5

Ŋaant man ki Yennu n jii-i ki yii tee nan manfoor tana na, ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna kii tuun u toonn nan u Seyeeŋ paŋ, ki u saa gaar li toonn Yiisa Masia paake;

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.