Yaŋ 104:2 - Yennu Gbouŋ Mɔɔr

² A gbee nan yabinte nan baakir, ki gbab yentu, ki li linta nan chinchenn na. A tant sanpagbouŋ nan nyungbouŋ nae,

Yaŋ 104:2 ပူးပေါင်းရင်းမြစ်များ

JOB labaar 36:30

U te sanyikintii yentir sanpagbouŋ na kur po, ŋaan ki nyun tiŋ po tee bunbɔnn.

JOB labaar 9:8

Sɔɔ ki somm Yennu ki u lat sanpagbanti, koo ki sommɔ ki u ŋmaat nyun ni bonsusoouk paaki.

Aisaya 40:22

Wunba kar u naan gbant paak nae din nan durinya na. U be tingbouŋ nan sanpaak liik poewa, ki nisaarii nba be tingbouŋ na ni waar ki tee nan lannyanii na. Ŋɔɔe jɔnn sanpagbouŋ na nan jinjɔŋ na, ki li naan diiuk nba ki nirɔ sii be li ni.

Aisaya 45:12

Mine nan tingbouŋ na, ki nan nisaarii a bii be leŋ. N jii n yiikooe ki jɔnn sanpaak, mine ŋmakitir yonnu nan ŋmaarik nan ŋmaabira.

Daniel 7:9

Maa gorii yoo nbae ki bi senn naan kokii li sinsetboa. Ki daanɔ nba be mɔkmɔk nan mɔkmɔk na kar naan kok yeŋ paak. Ki u liant peen nan sakaana na, ki u yut peen nan gbent na. Ki u naan kok tee nan mupeenu na, ki li taa kur bia tee nan mupeenu na,

Habakuk 3:4

U baat nan sanyikintii yentue; ki yentu yentir ki nyi u nuu ni. Leŋe ki u yiikoo na bɔr.

Sekaria 12:1

Mɔmaan nba na nyii Yennu nba nan sanpaak nan tingbouŋ ki tur nisaarik manfoor na boore, ki teen Israel teeb. U yet a,

Matiu 17:2

Li yoo na ki bi la ki u lebit; ki u numm po kpint nyirii nan yonnu na; ki u liant penn ki nyirii bonchiann.

1 Timoti 6:16

ŋɔɔ kuukɔɔe kan kpo; u be yentchiɔŋ nba ki nirɔ kan fit nakin na ni; ŋɔɔe ki sɔɔ daa ki mi lau koo ki saa fit lau; ŋɔɔe yen paku nan paŋ yoo nba kaa gbennu. Mamɔmm.

1 Jɔɔnn 1:5

Tɔn, barii nba ki ti din gbat ŋɔɔ Yiisa Masia boor ki mɔɔntir teeni na, li tee nnae: Yabint Yennu tee yentue, ki bunbɔnn kaa u ni.