Yaŋ 104:1 - Yennu Gbouŋ Mɔɔr

¹ N seek, pakin Yennu. N Yomdaanɔ Yennu, a yab bonchiann.

Yaŋ 104:1 ပူးပေါင်းရင်းမြစ်များ

Yaŋ 103:22

Yimm nba tee u naamii kur, ki be u naan ni kur, ii dont Yennu man. N seek, pakin Yennu.

Yaŋ 104:35

Wun boon toonbiit damm na tingbouŋ na ni, ki daa te nibiit na ji be. N seek, pakin Yennu. Pakin Yennu.

Yaŋ 145:3

Yennu tee Yenjaanne, li ŋan ki tin donnɔ sanpaapo. U yabint na gar nisaarik bannuwa.

Yaŋ 7:1

N Yomdaanɔ Yennu, n baar a boor a fii nyintin bonbiir nie; a nyinnin binba waa beerin na nuu ni.

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Yaŋ 95:3

kimaan ti Yomdaanɔ tee Yabint Yennu-e, yabint kpanbar nba gar yenbis kur.

Yaŋ 96:6

Dontir nan yabinte lintɔ, paŋ nan fante gbee u jiantu ŋasaakak na ni.

Aisaya 59:17

U saa lia barmɔnii nan gbakinu nae, ki bia yir tinnu nan kut fokirik na. U sii gbee nan lonchiɔŋ nba ki u saa ŋamm bonae, ki dat niib tuba ki kɔn binba di fara na paak.

Jeremaya 23:24

Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Daniel 7:9

Maa gorii yoo nbae ki bi senn naan kokii li sinsetboa. Ki daanɔ nba be mɔkmɔk nan mɔkmɔk na kar naan kok yeŋ paak. Ki u liant peen nan sakaana na, ki u yut peen nan gbent na. Ki u naan kok tee nan mupeenu na, ki li taa kur bia tee nan mupeenu na,

Daniel 9:4

Ki n miar n Yomdaanɔ Yennu, ki pak kat n niib biit ki turɔ, ki yet a: “Yomdaanɔ Yennu, a paŋ yab bonchiann, ki ti baakita. A dia a mɔlor fanu nan a niib, ki want a lomm nba kaa paak ki teen a niib nba loona ki saak a sennii na.

Habakuk 1:12

Yennu, fine tee Yomdaanɔ, durinya na nba piina. Fine tee n Yomdaanɔ, ki tee kasii mɔkmɔk nan mɔkmɔk. Yennu nba tee n Yomdaanɔ ki bia tee n guutɔɔ, fine gann Babilonn teeb, ki turib paŋ, a bin dat ti tuba.