Yaŋ 103:13 - Yennu Gbouŋ Mɔɔr

¹³ Baa nba mɔk ninbatinu ki tur u waas biaŋinba na, nnae mun ki Yennu mɔk ninbatinu ki tur damm nba baakitɔ.

Yaŋ 103:13 ပူးပေါင်းရင်းမြစ်များ

Yaŋ 103:11

Sanpaak nan tiŋ nba fɔk nan leer biaŋinba na, nnae ki u lomm mun yab ki tur binba baakitɔ na.

Yaŋ 103:17

Ŋaan binba teen Yennu baakir na, Yennu lomm yɔɔ be namme; ki u lomm be maarpaanu nba baat yoo kur paak,

Yaŋ 147:11

ŋaan u par mei damm nba baakitɔ na paake, nan damm nba teen yada nan u lomm nba kaa gbennu na paak.

Barjokit 3:12

Yennu kpaan binba ki u loomme, nan bi baa nba tuu kpaan bik nba ki u mɔk parbifaant u paak biaŋinba na.

Jeremaya 31:20

“Israel digbann, fine tee n bijaloŋir, bik nba ki n lomm mantik be u ni. Yoo nba kur ki n taa a sann, n tuu dukin a po nan lomme. N yan tuu nyi saan a boore. N sii mɔk ninbatinu nana.

Jeremaya 31:9

N niib sii jent ki mɔe, ki mein yoo nba ki n kpent namm na. N saa saan namm kpenii nba mɔk nyun boor, ki tɔkin namm sɔnu nba kaa boota, ki bi kan gbiat. N tee nan baa nae ki tur Israel teeb, ki Efraim boorue tee n bijakper.”

Liifai teeb 26:44

Ŋaan baa lek daa be bi datai tiŋ ni na, n kan nyikib yann, koo ki boontibi. Ki li saa te n mɔlor namm n pot. Mine tee bi Yomdaanɔ Yennu.

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Nikant 11:12

Mine namm koo ki maribi-i? Bee teen ki a yaa n diab n nii ni nan biaŋinba ki binaa tuu dia u bik na, ki saan namm tiŋ nba ki a senn mɔsonn ki tur bi yeejamm na ni.

Matiu 6:32

Binba ki mi Yennu na tuu mukis bi dudukit linba na kur paake; ŋaan i Baa Yennu nba be sanpaapo na set mi nan i loon linba na kura.

Matiu 6:9

Yaa sii mei Yennu biaŋinbae na: ‘Ti Baa Yennu nba be sanpaapo, ŋaant ki a sann n la baakir;

Jɔɔnn 20:17

Ki Yiisa betɔ a, “Daa somi, kimaan n daa ki doo sanpaapo n Baa boori; ŋaan i saa n naa waas boor, ki saa betib a n saa do sanpaapo, wunba tee n Baa nan i Baa na boora; ŋɔɔe bia tee n Yennu nan i Yennu na.”

Toona 13:26

Ŋanne ki Pɔɔl bia yet a, “N naa waas, yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na tee ti yare.

Sennu 3:5

Bi din maa joonfoote ki lint doi maŋ. Li tammɔi din tuu looe nan kutlaana. Digbana bonchiann bia din be, ki ki maa joona.