Yaŋ 10:16 - Yennu Gbouŋ Mɔɔr

¹⁶ Yennu-e sii tun tee kpanbar, binba jiantir tingbana na saa bot u tiŋ ni.

Yaŋ 10:16 ပူးပေါင်းရင်းမြစ်များ

1 Barkperii 29:11

Yennu, fine tee Yenjaann, ki mɔk yiikoo, ki a baakir yab, ki a mɔk nyannu nan ŋant bonchiann. Fine yen tingbouŋ nan sanpaak kur, ki tee kpanbar gbeŋir nba dia bona kur.

Yaŋ 145:13

A naan kaa gbennu, ki a sii yɔɔ dia a niib. Yennu see u mɔsona paake, ki mɔk ninbatinu u toona kur ni.

Yaŋ 146:10

Yennu-e tee kpanbar yoo kur. Sayɔnn doo, a Yennu nae sii yɔɔ dia-a yaayoo nan yaayoo. Pakin Yennu man.

Yaŋ 29:10

Yennu mɔk yiikoo mɔkgbeŋa na paak. Yennu-e tee kpanbar mɔkmɔk nan mɔkmɔk.

Yaŋ 78:55

U din ber niib nba kɔɔ leŋ na ki nyinnib, yoo nba ki u nigannkab Israel teeb baat na, ki biit tiŋ na ki tur bi booru kur, ki kɔɔmm niib nba din kɔɔ leŋ na ŋei ni.

Yaŋ 9:15

Binba ki jiantira na gbiir bootite, ki bia ŋmat baa leŋ; bi tiɔŋ baruko soorib.

Yaŋ 9:5

A biir yanbɔndamm nan nɔɔntont damm nawa. Sɔɔ kan mi tiar bi po.

Yaŋ 9:8

U dia tingbouŋ na nan popeenne, ki bu niib buut nan li sɔnu.

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Nyinu 15:18

Yennu, fine sii tun tee kpanbar yaayoo nan yaayoo.”

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Fabinii 5:19

Yennu, fine tee kpanbar nba sii yɔɔ be, ki sii diat nan durinya na gbennu.

Daniel 4:34

Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Daniel 6:26

N senn sennu nan wunba kur be n naan yent ni, wun tin jaŋmaanii ki bia baakit Daniel Yennu na. U tee Yennu nba foe, ki be mɔkmɔk nan mɔkmɔk. U naangbouŋ kan ban biiri, ki u yiikoo kaa gbennu.

Sennu 8:20

Li-i tee ki i ki sak Yennu maŋ sennu, i saa boonte nan booru booru nba ki u saa biirib i tɔɔnn po na.

1 Timoti 1:17

Dontir nan baakir tee Yennu yare mɔkmɔk nan mɔkmɔk. Ŋɔɔe tee kpanbar nba kan mi kpo, ki sii be yaa yoo nan yaa yoo; ki sɔɔ ki laatɔ; ki u tee Yen-yemmir na. Mamɔmm.