Yaŋ 10:14 - Yennu Gbouŋ Mɔɔr

¹⁴ Ŋaan a laat, a chakin mabir nan biak kure, ki teen siir nan fan somm. Talas daanɔ jikit u mɔŋ ki teenae. A yɔɔ sommit fara damme.

Yaŋ 10:14 ပူးပေါင်းရင်းမြစ်များ

Pinpiik 21:17

Yennu din gbat bik na mɔnii, ki u malaka pak Yendɔuŋ niwa ki tur Hagar a, “Hagar, bee paake te ki a biir a pari? Daa tiin jaŋmaanii. Yennu gbat bik na mɔniiwa.

Pinpiik 31:12

Ki u ŋamm yet a, ‘Bujai nba do bunaanii na tee bonlakii, nan bonpupɔrii, nan bontommiie; n te ki linba na tuun, kimaan n la linba kur ki Labann tuun ki teenawa.

2 Samuel 16:12

Li pasiar u sii tee nnae ki Yennu n la n ninbaatir ki teen piisin n paak, ŋaan nyinn mɔtont nba ki n gaan na.”

2 Kpanbara 9:26

‘N won la Nabof nan u bonjai kpinu, ki senn nan n mun saa dat a tubir sarwaauk na niŋe.’ ” Ki Jehu pak u sommtɔɔ Bidkar a, “Jiin Joram gbanant ki lu Nabof sarwaauk na ni, ki lin gbeen Yennu mɔsonn na.”

2 Barkperii 24:22

Kpanbar Joas din tamm Sekaria baa Jehoyada toonŋana nba ki u din tun ki turɔ nawa, ŋaan te ki bi kpii Sekaria. Sekaria nba kpenn yoo nba, ki u yet a, “Yennu n la yaa tun linba na, ki dat i tuba.”

2 Barkperii 6:23

Yennu, faa be Yendɔuŋ ni na, a gbiint ki bu ki tur a daaba. A dat wunba mɔk biit na tubir, ki lin jaŋɔ, ŋaan nyik wunba mɔk mɔnii na.

Yaŋ 146:9

Yennu-e guu saamm nba be ti tiŋ na ni, ŋɔɔe sommit pakɔi nan kpeebii, ŋaan biir biit damm na lora.

Yaŋ 22:11

A daa fɔkitir nanin; wahala baara, ki sɔɔ kaa ki saa sommin.

Yaŋ 31:8

A ki te ki n datai nyannimi, ki te ki n la woruku ki saa fit saan maa loon siaminba.

Yaŋ 35:22

Yennu, a la linba nawa, li paak, a daa ŋmini. Yennu, a daa fɔkitir nanimi.

Yaŋ 55:22

Jiin a daamii kur ki tur Yennu, ki u sii guua; u kan ban te ki binba be fanu na n baa.

Yaŋ 68:5

Yennu nba be u kasii ŋasaakak ni na, u baka be kpeebii nan pakɔi po, ki u goriib.

Yaŋ 68:6

U teen binba ki mɔk kunkɔɔ boor na ŋei, ki bi kɔɔ, ki nyint dansarkɔɔra, ki bi be nan parpeenn, ŋaan binba tee mɔyêtdamm na sii kɔɔ tiŋ nba saat nie.

Nyinu 2:25

U din la Israel teeb daabisin na, ki u baka be bi ni.

Nyinu 22:22

I daa dint pakɔɔk koo kpeebik biaki.

Nyinu 22:26

Fi-i gaar nirɔ liant ki li tee mɔsonn nan u saa pa-a pann, fan jiin liant maŋa ki yonnu n baa,

Barjokit 15:25

Yennu saa bit karinbaandamm ŋei, ŋaan guur pakɔɔk mɔkint.

Barjokit 15:3

Yennu laat linba tuun lokir kur po, u gorii linba ki ti tuun kur, laa ŋan koo laa bi.

Aisaya 10:3

I tan saa teen nlee, yoo nba ki Yennu daar i tuba na? I tan saa teen nlee, yoo nba ki u saa jii digbanbanfɔkir niib ki bin baar nan daamii i paak na? I tan saa chiar saan lia nie ki la sommiri? I tan saa bɔr i mɔkint lia nie?

Jeremaya 16:17

N laat linba kur ki bi tuun, siar ki bɔrmi, ki bi biit ki mir bot n tɔɔnn po.

Jeremaya 23:24

Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Jeremaya 49:11

Nyikin i kpeebii n boor man, ki n saa gotib. I pakɔi sii fit maa n paak.

Jeremaya 51:56

Bi baar ki biir Babilonn-e, ki nyann li jab, ki bia kɔnn bi tɔrbanawa. N tee Yennu nba daar biit damm tubae, ki saa tun Babilonn linba jaŋɔ.

Fabinii 3:59

A kɔn n paak, ki mi baa tun bonkpeta nba ki biirin.

Fabinii 3:60

A mi n datai na nba namin, nan baa lorin n paak biaŋinba.

Hosea 14:3

Asiria teeb kan fit tinniti, ki tɔb taanii kan fit guuriti. Ti ji kan ban yet tingbana na nan ŋamme tee ti Yomdaanɔ. Yennu, fine mɔk ninbatinu ki teen binba ki mɔk sɔɔ ki saa boi sommir po na.”

Hosea 14:4

Yennu yet a, “N saa te ki n niib n jen n boor. N sii loomm nan n par kur, ki n ji kan ban donn wutoor bi paaki.

Joel 3:4

“I yiab a yin tun bee ki turimi, yimm Taya teeb, nan Sidonn teeb, nan niib nba kur be Filistia teeb yent ni na? I koor a yin teen siare ki jiinimi-i? Li-i tee ki i yaa yin tun siar ki jiinimi, ŋann n saa kakit yiame, ki pa jiini.

Habakuk 1:13

Nlee ki a sii fit be nan kpinkpannii damm nba tee toonbiit damm na? A ninbina na mantik teen kasii nan lii gorii toonbiita, ki a bia kii fit laat niib ki bi tuun toonbiiti. Bee teen ki a ŋmin soon nna, ŋaan ki bi biir niib nba mantik be popeensin binbeŋ ki garib na?

Sennu 10:18

U te ki kpeebii nan pakɔi laat bi barmɔnii, ki loon boorganii nba kɔɔ nant na, ki teemm jeet nan liant.

2 Timoti 1:12

Li paake ki n di biak ŋaan ki tiin fei, kimaan n mi maa jii n mɔŋ ki teen wunba nuu ni, n mi ki birsuk kaa nan u saa fit dia linba ki u jii teen n nuu ni na fanu mɔkmɔk nan joontu Daar na ni.

Hiibru teeb 4:13

Bont kur dɔɔ yeenin nie, ki Yennu nba tan saa bu bi buut na ninbina laatir; ki siar kaa ki bɔri.

1 Piita 4:19

Li paak, binba di biak Yennu loomm paak na, bii tuun toonŋana, ki jii bi mɔŋ ki pet bi nantɔɔ Yennu nba tee barmɔnii daanɔ na.

1 Piita 5:7

Jiin man i daamii kur ki turɔ, kimaan u baka be i ni.

Barbuura 1:7

Ki Adoni-besek yet a, “Batnba piinlore tuu be n teebul lɔŋ ni, ki bi niibijaba nan taabijaba pota, ki bi tɔkii jebura; mɔtana Yennu jiintin linba ki n bo tun ki turib nae.” Ki bi din jiiu ki saan nanɔ Jerusalem, ki u saa kpo leŋ.