Yaŋ 1:1 - Yennu Gbouŋ Mɔɔr

¹ Daansiab nba ki gaan biit damm maan ki bia ki tokii bi binbeŋ, koo ki ki tɔkii nan binba yaa Yennu kaa na, parmaasir tee bi yare.

Yaŋ 1:1 ပူးပေါင်းရင်းမြစ်များ

Pinpiik 49:6

N kan pukin bi bunbɔri pinpakit niŋi, koo ki pukin bi labafaant ni, kimaan bi wutoor nba din doo, bi din kpii niib, ki bia wab naajai, ŋaan ki li kaa paaki.

Pinpiik 5:24

Enɔk din waa Yennu fanu, ki bi din tan ki lau, kimaan Yennu-e din jiiu.

1 Kpanbara 16:31

Waa din tun biit nba nan Jeroboam nba din tun na ki jaŋɔ; ki u kɔɔn Sidonn kpanbar Et-baal bipoo Jesebel, ki jiant tingbann nba ki bi yi Baal na.

2 Barkperii 22:3

Ahasia mun bia din gaar kpanbar Ahab ŋaateeb marimae, kimaan u naae din turimɔ, ki u tuun bonbiir.

JOB labaar 10:3

Li mana nan fin te ki n di fara-a? A saa biir a tiɔŋ nba nan linbawa, ki laa mɔmiin toonbiit damm lora paaki-i?

JOB labaar 21:16

Bi yeen nan bi tiɔŋ paŋ paake ki bi mɔkitir, ŋaan bi mɔŋ dudukit nba ki bi dukii na, n kan saki.

JOB labaar 31:5

N por nan n ki ban tun bonbiiri, n bia ki ban bikin maa n kpann n leebi.

Yaŋ 1:6

Yennu-e ŋmakitir niŋamm na ki nyintib bonbiir ni, ŋaan nibiit na ŋarin kpan tɔk bi biiru sɔnue.

Yaŋ 106:3

Parmaasir be daansiab nba saak u mɔb, binba yɔɔ tuun linba ŋan na paak.

Yaŋ 112:1

Pakin Yennu man. Parpeenn be daanɔ nba baakit Yennu paak, wunba kpamm nan Yennu sennii dianu.

Yaŋ 119:115

Yimm biit damm na, seetir n boor ni; n saa sak Yennu senniie.

Yaŋ 144:15

Parpeenn be digbann nba ki maan na tee mɔnii ki turib na paak; parpeenn be niib nba ki bi Yomdaanɔ tee Yennu na paak.

Yaŋ 146:5

Parpeenn be daanɔ nba ki Yennu nba ki Jakɔb jiantir na tee u sommtɔɔ na paak, wunba ki u dindann maa u Yomdaanɔ Yennu maŋ paak na,

Yaŋ 146:9

Yennu-e guu saamm nba be ti tiŋ na ni, ŋɔɔe sommit pakɔi nan kpeebii, ŋaan biir biit damm na lora.

Yaŋ 2:12

ki gbaan jiantɔ nan gbananjekiruk. Nna-i kaa, u wutoor saa doe yiama ki yin kpo. Parmaasir be daansiab nba baat Yennu boor a wun nyinnib ninbɔŋ ni na paak.

Yaŋ 26:12

N nyii ninbɔŋ kura niwa; ki Yennu niib tintaanu niŋe ki n saa dont u sann.

Yaŋ 34:8

Bikint ki la Yennu nba ŋan biaŋinba. Piisin be daanɔ nba kur gur u mɔŋ Yennu boor paak.

Yaŋ 36:4

Wuu be u dɔɔnu ni gbaa, u lorin bonbiire. U ki tuun siar ki li ŋani, u bia ki yêen linba ki ŋani.

Yaŋ 64:2

Guutin, ki min nyi nɔɔnbiit damm lora ni nan toonbiit damm tintaanu ni.

Yaŋ 81:12

Li paak ki n te ki bi be tuukpaatuk benu, ki tuun bi mɔŋ nba loon bii be biaŋinba.

Yaŋ 84:12

Yabint Yennu, parpeenn be damm nba teena yada paak.

Barjokit 1:15

N bija, a daa tɔkii nan li nibooru. Bɔkitir a mɔŋ namm.

Barjokit 1:22

“Bonjata na. I loon ki yin jii yoo nlee kii be i jatii maŋ ni? Yoo nlee ki i loon yin jii ki sukii bannu ki li maŋini? I kan ban tumii yami-i?

Barjokit 13:15

Bannteebe laat baakir, ŋaan binba ki bi kan fit teenib yada na ŋarin tɔk biiru sɔnue.

Barjokit 13:20

Ii tɔkii nan yandamm, ki a saa la yan. Li-i tee ki a soor jatit yɔɔsi, a saa la daŋe.

Barjokit 19:29

Karinbaandaanɔ nba tee jatuk, see ki bi boou.

Barjokit 2:12

ki gɔɔra, ki a kan tun linba tee kpetiri. Bi saa bɔkita nan niib nba ki bi mɔbona baat nan daŋ;

Barjokit 3:34

Yennu yêen karinbaandamme, ŋaan sommit binba sikint bi mɔŋ.

Barjokit 4:19

Toonbiit damm na ŋarin sɔnu bɔne nan nyiɔk na. Bi tuu baae, ŋaan ki mi baa jar linba.

Barjokit 9:12

Li-i tee ki a mɔk yanfoon, fine saa di li nyɔɔt, a mun bia kii yêt yanfoon, fine saa di li biak.

Jeremaya 15:17

N ki be nan nileeb ki laa, ki n par mei. N sak a mɔbe, ki be n kɔɔ, ki n wutoor doo bi biit paak.

Jeremaya 17:7

“Ŋaan n saa teen piisin wunba jii u dindann ki teen n ni na paake.

Esekiel 20:18

Li paak, ki n kpaan nipaauŋ na maa bi daa waa binbenbiit nba booru ki bi yeejamm din be na, koo ki ŋmat bi mɔŋ ki jiantir pata.

Matiu 16:17

Ki Yiisa betɔ a “Fin Simonn, wunba tee Jona bija na, parpeenn be a paak, kimaan nisaarik kaa fiit barii na ki wannani, ŋaan n Baa Yennu nba be sanpaapo nae fiit ki wanna.

Barŋanii nba ki LUK din sɔb nae na 11:28

Ki Yiisa jiinɔ a, “Binba gbia Yennu maan ki saakir na, ŋamme ki parpeenn tee bi yar.”

Jɔɔnn 13:17

Mɔtana i ji mi linba na, ki li-i tee ki i tuun nna, parpeenn tee i yare.

Jɔɔnn 20:29

Ki Yiisa boiɔ a, “Faa ji lan na paake ki a teenin yada-a? Binba ki lan ŋaan teenin yada na, parpeenn tee bi yare.”

Rom Teeb 5:2

U paake ki Yennu tint ninbaauk, ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu saa turit na.

Efesus teeb 6:13

Li paak, ii jii Yennu naagbankɔŋir na ki lia, ki fit kɔn dabiir nba tan saa baar maŋ ni, ki daa nyikiti, ki li poorpo ki i bia see chib.

Sennu 14:6

I saa fit ŋman bonkobit nba ki bi taawoka bɔkit, ki bi bia ŋman mɔɔt ki wukitir.

Sennu 33:29

Israel teeb, i mɔk parpeenne. Sɔɔ ki be ki tee nan yimm na. I tee digbann nba ki Yennu tinnie. Ŋɔɔe tee i naagbankɔŋir nan jukbanjiak, ki guu-i ki bia saa turi nyannu. Ki i datai tan saa baar i boor ni ki barimi a yin nyikib, ki i tan saa ŋmaatib tiŋ ni.

1 Piita 4:3

Yoo nba gar, i din jii i yoo ki tuun toonbiite. I din tuun i mɔŋ loonbiite, ki nyu daan yib, ki di diina ki mɔk fuut, ki tikii leeb danyuboa, ki mann pata, ki tuun nan binba ki tee Masiaweira na nba loon biaŋinba na.

Fiitu 22:14

Damm nba wuur bi para nan Yiisa sɔn na, parpeenn tee bi yare; li paak ki bi mɔk yaak nba saa di tilɔɔna nba teen manfoor na, ki saa kɔɔ tammɔb na ni ki saan doo na ni.