Toona 9:6 - Yennu Gbouŋ Mɔɔr

⁶ Ŋaan fiit ki saan doo na ni, ki bi saa beta faa saa teen biaŋinba.”

Yennu Gbounpaauŋ Mɔɔr

⁶ Ŋaan fiit ki saan doo na ni, ki bi sa saa beta fa ji sa teen biaŋinba.”

Toona 9:6 ပူးပေါင်းရင်းမြစ်များ

Yaŋ 25:12

Niib nba tiin Yennu, ŋamme saa tumii ki bann u sɔnii nba ki bi saa tɔkin,

Yaŋ 94:12

Yennu, parpeenn be daanɔ nba ki a tumiiɔ na paak, wunba ki a wantɔ a sennu na.

Aisaya 57:18

“N la baa tun biaŋinbawa, ŋaan n saa turib laafiawa. N saa gar bi tɔɔnn ki sommib, ki maan binba mɔ na para.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Esekiel 2:1

Ki Yennu yet a, “Nisaarik, n loon fan fiir set sanpaapo ki gbiint.”

Esekiel 3:22

Ki n la Yennu paŋ, ki gbat ki u pak nanin ki yet a, “Fiit kii siik baauk ni. Leŋe ki n sa saa pak nana.”

Habakuk 3:16

Ki n gbia linba na kura ki jekir, ki n mɔgbana jekir nan jaŋmaanii, ki n gbanant baŋ, ki n taa ji jekir. N saa guur soon nnae, ki saa tuu yoo nba ki Yennu tan saa dat binba lekint na tuba.

Matiu 19:30

Ŋaan niib bonchiann nba dɔŋ tɔɔnn mɔtana, bi tan saa joont poora; ki bonchiann nba mun bia joont poor tan saa gar tɔɔnna.”

Barŋanii nba ki LUK din sɔb nae na 3:10

Ki nibur maŋ din boiɔ a, “Ki ti ji saa teen nlee?”

Toona 10:22

Ki bi jiin a, “Chanbaa Kɔnelius-e tunt. U tee Rom teeb lanjimanba yudaanɔe, ki bia tee niburchimɔ, ki jiantir Yennu, ki Juu teeb kur teenɔ baakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a saa pakɔ.”

Toona 10:32

Li paak, tumin sɔɔ Jɔpa, ki wun saan yiin wunba ki bi yiu Simonn, ki u sanleer tee Piita na. U tee saamɔe, ki be gbanfabirtɔɔ Simonn ŋaak nba kpia nan mɔkgbeŋir na.’

Toona 10:6

U tee saamɔe ki be gbanfabirtɔɔ nba ki bi yiu Simonn na ŋaak, ki u ŋaak maŋ kpia nan mɔkgbeŋir na.”

Toona 2:37

Niib na nba gbat nna maŋ, ki bi para biir bonchiann. Ki bi boi Piita nan u leeb na a, “Ei! ti naa waas, ti saa teen nlee?”

Toona 22:10

“Ŋanne ki n boiɔ a, ‘N Yomdaanɔ, n saa teen nlee?’ Ki u betin a, ‘Fiit kii saa Damaskus, ki bi saa wanna linba kur ki Yennu nyinna a fan tun.’

Toona 26:16

Ŋaan fiit ki set. N nyinn fine a a teen n toontunnɔ. Linba nae te ki n dɔkit a paak. Teent siara ki wann niib faa lan biaŋinba dinna, nan linba ki n sii fiitir wanta yoo nba waa.

Toona 9:5

Ki u boi a, “Yomdaanɔ, fin ŋmee?” Ki kunkɔr na jiin a, “Min Yiisa-e ki a mukis.

Rom Teeb 10:20

Ki Aisaya mɔk par, ki yet a Yennu yaa niib nba ki fiin u po na, bi tan lauwa; ki niib nba ki boi u po na, ki u fiit u mɔŋ ki wannib.

Rom Teeb 10:3

Bi ki mi sɔnu nba te ki Yennu yet a niib tee niŋamm u boor, ŋaan loon bi mɔŋ sɔnu, ki li paak, bi ki jii bi mɔŋ ki lor nan Yennu sɔnu na.

Rom Teeb 5:20

Sennu na baar a lin ŋamm fiit wann toonbiit nba yab biaŋinbae; ki toonbiit nba yab na, Yennu ninbatinu mun yab ki gar nnawa.

Rom Teeb 7:9

Yoo nba ki n din ki mi sennu maŋ na, n din mɔk manfoore; ŋaan maa tan bann sennu maŋ, ki biit nba be n par ni na fiir, ki n kpo.

Filipi teeb 2:12

N naa walonkai, maa din be i boor ki i sak n mɔb biaŋinba na, maa lek kaa i boor na, ŋaan li kpaa talas ki yin sak n mɔb. Ii biaki tuun nan yentinu nan gbananjijekit man, kii tee nan niib nba tinn na,

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a, “Yennu kɔn nan karinbaandamme, ŋaan sommit binba sikint bi mɔŋ.”

1 Samuel 16:3

ki yiin Jese ki wun baar maruŋ na boor, ki n saa wanna faa saa teen biaŋinba. A mɔɔn kpan jɔɔ nba ki n saa wanna na paak, ki dinnɔ naan.”

1 Samuel 28:5

Yoo nba Sɔɔl la Filistia jab na, ki jaŋmaanii soorɔ.