Toona 7:42 - Yennu Gbouŋ Mɔɔr

⁴² “Li paak ki Yennu ji ki goriibi, ŋaan chabib ki bi ji jiantir ŋmaabira, nan laa sɔb biaŋinba Yennu sɔkiniinba gbounyeuŋ ni na, a Yennu yet a: ‘Israel teeb, yaa din kpi bonkobit ki mann maruŋ muuk ni bina piinna na, i din ki mann maruŋ maŋ ki teen min kaa.

Yennu Gbounpaauŋ Mɔɔr

⁴² “Li paak ki Yennu ji ki goriibi, ŋaan chabib, ki bi ji jiantir ŋmaabira, kaman nan la sɔb biaŋinba Yennu sɔkiniinba gbouŋ ni na, a Yennu yet a ‘Israel teeb, ya din kpi bonkobit ki mann marouŋ muuk ni bina piinna na, i din ki mann marouŋ maŋ ki tee min kaa.

Toona 7:42 ပူးပေါင်းရင်းမြစ်များ

2 Kpanbara 17:16

Bi din biir bi Yomdaanɔ Yennu sennii kur, ŋaan nan kut naajabis banlee, ki bia kpeer chicherpook Asera ninnauŋ, ki jiantir ŋmaabira nan tingbann Baal.

2 Kpanbara 21:3

U din ŋamm maa tingbana jiantboa nba ki u baa Hesekia din bet na; u din maa tingbann Baal maruŋ binbinta, ki kpeer chicherpook Asera ninnauŋ, nan Israel kpanbar Ahab nba din tun na. Manase bia din jiantir ŋmaabirae.

Yaŋ 95:10

N wutoor din doo bi paak bina piinna, ki n yet a, ‘Niib na mantik teen tubkangbata damma, bi yêt bin sak n sennue.’

Aisaya 43:23

I ki baar nan i mujoonu maruŋ pei ki turimi, i ki turin baakir nan i maruŋu. N din ki turi jikir kaa nan maa boi-i maruŋ po na, koo n ki bakinti kaa nan maa boi-i bonnunubit po na.

Aisaya 63:10

ŋaan ki bi yêtɔ, ki te ki u kasii Seek na la parbiir. Ŋanne ki Yennu kpant bi dataak ki kɔn namm.

Aisaya 66:4

Li paak, n saa baar nan biak bi paak, ki li tee bona nba ki bi kpan tiin na, kimaan maa yiin, sɔɔ ki toon, maa pak, sɔɔ ki gbiinti. Bi lor a bin yêt n mɔbe ŋaan kii tuun biit.”

Jeremaya 19:13

Jerusalem ŋei, nan Juda kpanbara ŋei, nan ŋei nba ki bi jokit bonnunubit li yura paak ki teen ŋmaabira, ki mɔ daan, ki li tee piinii ki teen yenbis na, sii tee jakint nan Tofef nae.”

Jeremaya 8:2

Bi kan taanir ki pii kaa, ŋaan li sii dɔɔe nan mɔɔt na. Li sii dɔɔ yeenin ni, yonnu nan ŋmaarik nan ŋmaabira nba ki niib na din loomm, ki tuunib, ki faa namm labaar, ki bia jiantirib na boor.

Esekiel 20:25

“Ki n turib sennu nba baat nan tubdatu, ŋaan ki ki baat nan manfoor,

Esekiel 20:39

Ki Yabint Yennu ŋamm yet a, “Mɔtana, yimm Israel teeb, ii tun linba saa maŋi. Ii ŋammit kii mann pata man. Ŋaan n kpaani nan linba na poor po, i tan saa sak n mɔb, ki ji kii dia piinii ki teen i pata ki biir n kasii sann.

Esekiel 8:16

Ki u jiin ki saan nanin Jiantu Ŋasaakak na dindonjouk ni, ki n la jab piinlee nan banŋmu see kpia tammɔb nba gaar saa Yenjiantu ŋasaakak na ni, ki be barintir nan maruŋ binbintir na sinsuuk ni, ki jii bi poor ki tur Yenjiantu Ŋasaakak na, ŋaan bɔɔn tiŋ ni ki tor yondo po, ki jiantir yonmɔnn.

Hosea 4:17

Israel teeb jiantir tingbanae. Daa fiin bi po.

Jɔɔnn 6:45

Yennu sɔkiniinba din sɔb Yennu gbouŋ ni a ‘Yennu saa wann sɔɔ kur.’ Sɔɔ kur nba gbiintir n Baa Yennu ki bia gaan u maan, ŋɔɔe saa baar n boor ki kpant n yɔɔ.

Toona 13:40

“Li paak, soot i mɔŋ man, ki daa te ki Yennu sɔkiniinba nba din yet linba na n diini. Nnae ki Yennu din yet a:

Toona 7:36

Ŋɔɔ Moses-e din tee daanɔ nba nyinnib Ijipt tiŋ ni, ki bia tun bakitnauŋ toona Ijipt tiŋ maŋ ni, nan baa din saa poot Mɔkmuŋ na, nan baa bia din be muuk ni binpiinna na.

Sennu 17:3

ki li tee mannu, koo ki jiantir tingbanaie, koo yenbis koo ŋmaarik koo yonnu, koo ŋmaabira, linba ki Yennu yet nan i daa tuun na,

Sennu 4:19

I daa te ki sɔɔ kpanni nan yin gbaan ki jiant linba ki i laat sanpaapo na, laa tee yonnu koo ŋmaarik koo ŋmaabira. Ti Yomdaanɔ Yennu jiir ki tur nileeb nba tenn nae, a bii jiantir.

Hiibru teeb 3:9

Yennu din yet a, ‘Bi poŋ din la maa tun linba kur ki saa jaŋ bina piinna na, ŋaan leŋe ki bi din bikinin.

Joosua 24:20

Li-i tee ki i nyikɔ ŋaan jiantir yenbis, u saa ŋmant i paake ki dat i tuba, waa lek tuu ŋan ki turi na, ŋaan u saa biiriwa.”