Toona 7:36 - Yennu Gbouŋ Mɔɔr

³⁶ Ŋɔɔ Moses-e din tee daanɔ nba nyinnib Ijipt tiŋ ni, ki bia tun bakitnauŋ toona Ijipt tiŋ maŋ ni, nan baa din saa poot Mɔkmuŋ na, nan baa bia din be muuk ni binpiinna na.

Yennu Gbounpaauŋ Mɔɔr

³⁶ Ŋɔɔ Moses din tee daanɔ nba din nyinnib Ijipt tiŋ nna, ki din bia tuun bakitnauŋ toonjaana Ijipt tiŋ ni, nan ba bia din saa poot Mɔkgbeŋmuŋ na, nan ba bia din be muuk ni binpiinna na.

Toona 7:36 ပူးပေါင်းရင်းမြစ်များ

Nehemaya 9:10

A din tun bakitnauŋ toonjaana ki biir Ijipt kpanbar na, nan u toontunna saakab, nan tiŋ na niib kura, kimaan a mi baa dinn a niib na biak biaŋinba. A din nyann, ki gaar sann nba ki a mɔk dinna na.

Yaŋ 95:10

N wutoor din doo bi paak bina piinna, ki n yet a, ‘Niib na mantik teen tubkangbata damma, bi yêt bin sak n sennue.’

Yaŋ 95:8

“I daa nyar i tuba nan i yeejamm nba din nyar bi tuba, Meriba nyuntonn boor, daar nba ki bi din be Masa nyuntonn boor, kunkoouk paak na.

Nyinu 12:41

Daar nba ki bina kobii ŋanna nan bina piintaa gbenn na, ki Yennu niib maŋ booru kur nyii Ijipt.

Nyinu 14:21

Ki Moses tant u nuu mɔkgbeŋir na paak, ki Yennu te wonpaaruk nyii yondo po ki da nyun na paak, ki li bɔkit. Wouŋ na din da nnae nan tiŋ na nba tan koor. Nyun na din bɔkite,

Nyinu 16:35

Ki Israel teeb na din dii mana maŋ ki saa tuu bina piinna, nan baa tan baar Keenann tiŋ ni, siaminba ki bi kar na.

Nyinu 3:20

Ŋaan n saa jii n yiikoo ki tun bakitnauŋ nan yaarlituk toona ki dat Ijipt teeb tuba. Li poor po u saa chabi ki yin nyi.

Nyinu 33:1

Ki Yennu yet Moses a, “Nyimin nna man, fin nan niib nba ki a nyii namm Ijipt tiŋ ni, ki baar namm na, kii saa tiŋ nba ki n sat mɔb ki tur i yeejamm Abraham nan Aisak nan Jakɔb nan bi yaaboona na ni.

Jɔɔnn 4:48

Ki Yiisa betɔ a, “Li-i tee ki i ki la nyina nan bakitnauŋ toonjaana, i kan teenin yada.”

Toona 13:18

Ki baa din be muuk ni binpiinna na, ki u goriib.

Toona 7:42

“Li paak ki Yennu ji ki goriibi, ŋaan chabib ki bi ji jiantir ŋmaabira, nan laa sɔb biaŋinba Yennu sɔkiniinba gbounyeuŋ ni na, a Yennu yet a: ‘Israel teeb, yaa din kpi bonkobit ki mann maruŋ muuk ni bina piinna na, i din ki mann maruŋ maŋ ki teen min kaa.

Sennu 8:4

Bina piinna na ni, ŋaan i liant ki kpet, koo ki i taa faanti.

Hiibru teeb 3:8

yaa daa nyar i tuba nan i yeejamm nba din nyar bi tuba biaŋinba ki kɔn nanɔ, ki bikinɔ, baa din be muuk ni yoo nba na.

Hiibru teeb 3:9

Yennu din yet a, ‘Bi poŋ din la maa tun linba kur ki saa jaŋ bina piinna na, ŋaan leŋe ki bi din bikinin.

Hiibru teeb 8:9

Li tan kii tee nan mɔlor nba ki n din lor nan bi yeejamm, yoo nba ki n kub bi nii ki nyinnib Ijipt tiŋ ni na kaa. Bi din ki teen mɔlor nba ki n lor namm na yada, li paak, ki n baka din kaa bi po.