Toona 5:39 - Yennu Gbouŋ Mɔɔr

³⁹ Ŋaan li-i tee Yennu yarie, i kan fit nyannibi. I saa la ki i kpet kɔn nan Yennu-e gbaa.” Ŋanne ki tɔɔndamm tituk maŋ ji sak Gamaliel mɔb na,

Yennu Gbounpaauŋ Mɔɔr

³⁹ Ŋaan li-i tee ki li tee Yennu yarie, i kan fit ki nyannibi. I sa la ki i mann kpet ki kɔn nan Yennue gbaa.” Ŋanne ki tituk teeb maŋ ji sak Gamaliel mɔb na,

Toona 5:39 ပူးပေါင်းရင်းမြစ်များ

Pinpiik 24:50

Ŋanne ki Labann nan Betuel jiin a, “Maan na nba nyii Yennu boor na, timm ŋarin kan fit pak siari.

2 Samuel 5:2

Sianyoowa dinn, ki sɔɔ Sɔɔl tee ti kpanbar na gbaa, ŋaan fine din tee daanɔ nba ŋmakitir Israel jab tɔbii ni, ki Yennu din senn mɔsonn nan fine saa dia u niib kii tee bi kpanbar.”

1 Kpanbara 12:24

“I daa kɔn nan i tiɔŋ ninjamm nba tee Israel teeb na. I kur-ii kun man. Linba tun na tee n loomme.” Ki bi sak Yennu mɔb ki ji ŋmat kun.

2 Kpanbara 19:22

A dukii a tuu sukii ki fiakit ŋmee na? A ki tur min Israel teeb kasii Yennu baakiri.

JOB labaar 34:29

Yennu-i kii lor wun tun siar faba, ŋaan sɔɔ kaa ki saa pak ki biirɔ. Li-i tee ki u lek u numm, nisaarii saa biar yanne.

Barjokit 21:30

Nisaarik yanfoon nan bannu nan ninyentir kur, ŋaan li kan fit sommɔ, li-i tee ki Yennu ki taa u po.

Aisaya 43:13

Mine tee Yennu, ki bia sii yɔɔ tee. Sɔɔ kaa ki saa fit nyi n yiikoo ni, sɔɔ bia kaa ki saa fit lebit maa tuun linba.”

Aisaya 45:9

Bobir nba tee nan bobilia na saa fit nɔi nan wunba maau nawa-a? Yɔk saa fit boi yɔkmaarɔ linba ki u tuuna-a? Bobir saa fit yet a wunba maau na ki mi toonna-a?

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Daniel 4:35

U gorii nisaarii tingbouŋ na paak, ki bi ki tee siar u boor; li malakanba nba be Yendɔuŋ ni, nan niib nba be tingbouŋ na ni, bi kur gur u lɔŋ nie. Sɔɔ kaa ki saa fit gɔɔr Yennu waa loon wun tun linba, koo ki bia yetɔ a bee ki u tun linba na.

Matiu 16:18

Fin Piita, min ŋarin beerae, a tee tanne; ki tanpiiuk na paake ki n saa jii n niib ki senn; ki kuun kan fit nyannibi.

Barŋanii nba ki LUK din sɔb nae na 21:15

kimaan li yooe ki n saa turi yan nan mɔbona nba ki i tan saa pak, ki i datai kan fit nyann i mɔbona koo ki nɔini.

Toona 11:17

Tɔn, li-i tee ki Yennu set pib u Seyeeŋ maŋ nan waa din pit biaŋinba, yoo nba ki ti din teen ti Yomdaanɔ Yiisa Masia yada naie, n tee ŋmee ki mun sii yaa n tia Yennu ki u daa te boorganu tee u niibi?”

Toona 23:9

Ŋanne ki bi tintianii na ŋammit do ki pukii. Ki sennu wannteeb nba tee Farisiinba na fiir pak nan ninmɔnn a, “Ti ki la jɔɔ na biiti. Li pasiar Yennu-e set tun seek koo malaka, ki u pak turɔ.”

Toona 6:10

Ki Yennu Seyeeŋ tur Stiifenn yanfantir bonchiann, ki bi ki fit nyannɔ, u maan maŋ ni.

Toona 7:51

Ki Stiifenn lek bia piak ki saa a, “I mantik tee nigbaba hei, ki i dudukit bia fɔk nan Yennu bonchiann, ki i ki sak yin gbiint Yennu maan. I kpan mun kɔn nan Yennu Seyeeŋ nan i yeejamm nba din tun biaŋinba nae.

Toona 9:5

Ki u boi a, “Yomdaanɔ, fin ŋmee?” Ki kunkɔr na jiin a, “Min Yiisa-e ki a mukis.

1 Korint teeb 1:25

Linba ki Yennu tuun ki nisaarik jiir ki li tee jatii na, li mɔk yan ki gar nisaarik yan; ki linba ki Yennu teen ki nisaarik dukii a li ki mɔk paŋ na, ŋaan li mɔk paŋ ki gar nisaarik yar.

1 Korint teeb 10:22

Ti koor a ti donn ti Yomdaanɔ wutoore-e? Ti paarɔe-e?