Toona 4:28 - Yennu Gbouŋ Mɔɔr

²⁸ Ŋanne ki bi lakin, a bin tun linba kur ki a poŋ din dukin a yanbɔɔt nan a paŋ ni, ki yaa li tan saa teen na.

Yennu Gbounpaauŋ Mɔɔr

²⁸ Ŋanne ki bi lakin, a bin tun linba kur ki a poŋ din dukin a yanbɔɔt ni nan a paŋ, ki yaa li tan sa teen na.

Toona 4:28 ပူးပေါင်းရင်းမြစ်များ

Pinpiik 50:20

I din lor lorbiite n paak, ŋaan ki Yennu ŋmantir ki teen bonŋann, a lin te ki man tinn nichiɔŋ, binba be bi manfoor ni dinna daar nba na, kimaan linba tun na paak.

Yaŋ 76:10

Barmɔnii, a wutoor-i baa a datai paak, niib tuu tura dontire, ki niib nba nyii tɔb na ni saa tiar ki teen jaamm.

Barjokit 21:30

Nisaarik yanfoon nan bannu nan ninyentir kur, ŋaan li kan fit sommɔ, li-i tee ki Yennu ki taa u po.

Aisaya 14:24

Yabint Yennu por mɔpor a, “Linba ki n lor na saa tuma. Maa dukii maa n tun linba na saa tuma.

Aisaya 28:29

Yanfoon na kur nyii Yabint Yennu boore. Yennu nba lorin u lora nba kur tee subinii lorae, ki li laat nyannu.

Aisaya 37:26

“A ki ban gbat nan n lor linba na sianyooewa-a? Ki mɔtana ki n ji tun. Mine tura yiikoo ki a tunn digbanjaana ki poonir tangbiinkpeka.

Aisaya 40:13

Sɔɔ saa fit wann Yennu waa sii tuun biaŋinbawa-a? koo ŋmee saa fit tumii Yennu, koo ki turɔ kpaanii?

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Aisaya 5:19

I yeen a, “Ŋaant ki Yennu n kakit ki tun linba ki u yet nan u saa tun na, ki tin lar. Ŋaant ki Israel kasii Yennu n tun u lora na, ŋaant ki tin la u dudukit.”

Aisaya 53:10

Ki Yennu yet a, “Li din tee n loomme nan wun di biak. U kuun din tee maruŋo a lin baar nan nyikinchab biit paak; ki linba na paak ki u saa la yaaboona. U manfoor saa yukir, ki u niŋe ki n mɔlor saa gbee.

Matiu 26:24

Min nisaarik Bik set saa kpo nan Yennu gbouŋ nba wann biaŋinba nae, ŋaan bonbiir sii be wunba yaa wun nyi n poor na paak. Bi-i bonni kii mar li daanɔ gbaa, li bo sɔ.”

Matiu 26:54

Ŋaan mi-i teen nna, nlee ki li saa tun ki gbeen linba sɔb Yennu gbouŋ ni ki yet a see ki n dii biak nba baat na?”

Barŋanii nba ki LUK din sɔb nae na 22:22

Min nisaarik Bik set saa kpo nan Yennu nba senn biaŋinba nae, ŋaan bonbiir sii be wunba yaa wun nyi n poor na paak.”

Toona 2:23

Ŋaan Yennu mi linba yaa lin tan teen. Li paak ki u dɔŋ lor ki kubinɔ i nuu ni, ki i te ki biitdamm kpaa tabinɔ dapunpunn paak ki u kpo, ki li want nan yimme set kpiiu.

Toona 3:18

Ŋaan Yennu din pak u maan ki tur u sɔkiniinba, ki bi mun bia pak tur niib, ki bi yet a see ki u Niganntɔɔ Masia n dii biak. Tɔn, Yennu set tan te ki li teen mɔnii, nan yaa tun biaŋinba na.

Efesus teeb 1:11

Yennu tuun siar kur u dudukit nan u lora nie, ki gannit a tii tee u niib, nan u bibikit nba tee biaŋinba pinpiik niwa na.

Hiibru teeb 6:17

Tɔn, binba din yaa bin gaar Yennu nba din senn mɔsonn nba na, u din loon wun wannib nan u kan mi lebit u dudukiti; li paak ki u din sat mɔb ki pukin u mɔsonn maŋ paak.