Toona 27:20 - Yennu Gbouŋ Mɔɔr

²⁰ Li din jii daa bonchiann ki sanpagbant dɔkin sanpaapo, ki ti ki fit la yonnu koo ŋmaabira, ki wouŋ na lek bia da nan paŋ. Ki ti ji ki mɔk dindann nan ti saa tinni.

Yennu Gbounpaauŋ Mɔɔr

²⁰ Li din jii daa bonchiann ki sanpagbana dɔkin sanpaapo, ki ti ki fit la yennu amii ŋmaabira gbaa, ki wouŋ na lek bia da nan paŋ. Ta din mɔk dindann ki dukii mi a ti sa tinn na, ki li kur nyii peb.

Toona 27:20 ပူးပေါင်းရင်းမြစ်များ

Yaŋ 105:28

Yennu din te ki bunbɔnn baar Ijipt tiŋ ni, ŋaan Ijipt teeb na din ki sak Yennu mɔbi.

Aisaya 57:10

I bakint i mɔŋ ki lin kpaan tingbanlia, ŋaan ki ki laatib. I dukii nan i tingbanyana nae teeni paŋ, ki i ki baŋiti.

Jeremaya 2:25

Israel digbann, a daa chat a taa, koo ki koot a kunkɔr nan boorganii yenbis weiu. Ŋaan a tuu yet a, ‘Aaii, n kan ŋmat poor. N loon boorganii yenbis nae ki sii waab.’ ”

Esekiel 37:11

Ki Yennu ŋamm betin a, “Nisaarik, Israel teeb tee nan kpabkoona na nae. Bi yeen a bi mantik koora, ki ji ki mɔk dindann manfoor po.

Jona 1:4

Ŋaruŋ maŋ nba din fiir saa na, ki Yennu tun wonpaaruk mɔkgbeŋir na paak. Wouŋ na nba din mantik paar na, ki ŋaruŋ na ji loon lin yakit.

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Toona 27:19

ki li sanyafannuk, ki bi jii bi mɔŋ nii ki nyinn ŋaruŋ maŋ bona, ki lu mɔkgbeŋir na ni.

Toona 27:21

Li din yukir bonchiann ki bi ki dii, ki Pɔɔl tan fiir set ki yet a, “N yɔɔsnba, i-i daaŋi bonni sak n mɔb, ki ki nyii Krete tiŋ ni, li bo sii ŋan. I bo tan kii laat ninbɔŋ ki di fara na booru.

2 Korint teeb 11:25

Rom teeb din boon lanbana taar muntaa. Niib din jaatin tana sianyoo. Ŋarint din libit chaan nanin nyun ni taar muntaa; ki yontunmunn nan nyɔtummunn ki n be ŋarin-yakir paak, mɔkgbeŋir ni.

Efesus teeb 2:12

I din ki mi Masia li yoo. I din tee saamme, ki bi ki kaani ki pukint Yennu nigannkab ni. I din be tingbouŋ na ni ki ki mi Yennu, ki bia ki mɔk dindann, kimaan waa din tur u niib mɔsona nba, i din ki pukin li ni;

1 Tesalonika teeb 4:13

Ti naa waas, ti loon yin bann barmɔniie ki jiin Masiaweira nba kpo na po, ki daa mɔk parbiir nan binba ki mɔk dindann nba mɔk na.