Toona 23:3 - Yennu Gbouŋ Mɔɔr

³ Ki Pɔɔl betɔ a, “Yennu saa faa fin kpinkpannii daanɔ na. A kar leŋ ki bu n buut nan ti sennu nba want biaŋinba na, ŋaan yaa bin faa-n, ki sennu maŋ ki chab nna.”

Yennu Gbounpaauŋ Mɔɔr

³ Ki Pɔɔl betɔ a “Yennu sa faa fin, kpinkpannii daanɔ na! A kar leŋ ki bu n buut kaman nan ti sennu nba want biaŋinba na, ki bia yaa a bin faan, ŋaan ki sennu na ki chab nna.”

Toona 23:3 ပူးပေါင်းရင်းမြစ်များ

1 Kpanbara 22:24

Li yoo na ki sɔkinii Sedekaya saan Mikaya boor ki saa pebɔ, ŋaan boiɔ a, “Nlee yooe ki Yennu Seek nyii n boor ki baar tan pak nanani?”

Yaŋ 94:20

A ki loon barbuura nba di fobit piinii na maami, binba tuun linba ki sennu yaa bi daa tuun,

Banntɔɔ 3:16

N bia la linba pukin durinya na ni tee, tonue be siaminba ki barmɔnii nan linba ŋan bo sii be.

Liifai teeb 19:15

“Ii piak barmɔnii i maan bunu ni; i daa mɔk ninfamm nan talas damm ŋaan sommit paaribi.

Liifai teeb 19:35

“I daa dia faak jaŋa ki ŋmab leeb, laa tee i bona fɔkint ni, koo li kpiasu, koo li yabint ni.

Amos 5:7

I boonta, yimm nba lebitir barmɔnii ki tee faak, ki bia ŋmaab niib bi barmɔnii ni na.

Jɔɔnn 18:24

Li yooe ki Annas te ki bi jii Yiisa ki saan nanɔ Kayafas, wunba tee mannteeb yudaanɔ na peŋ; ki Yiisa bia lek daa lor ŋmiit.

Jɔɔnn 7:51

“Ti sennu ki wann nan ti bu nirɔ buut ki biirɔ, ŋaan daa ki gbat u mɔb ni ki bann waa tun linba.”

Toona 23:4

Ki binba see ki kpia Pɔɔl na betɔ a, “A tan sukii mannteeb yudaanɔ-ɔ?”