Toona 23:11 - Yennu Gbouŋ Mɔɔr

¹¹ Li daar nyiɔk, ki ti Yomdaanɔ Yiisa baar Pɔɔl boor, ki tan betɔ a, “Ii mɔk parcheenn. A poŋ turin siara Jerusalem-a, ki li tee talase ki a bia tun nna Rom.”

Yennu Gbounpaauŋ Mɔɔr

¹¹ Li poorpo ki nyiɔk tan bɔnn, ki ti Yomdaanɔ Yisa baar Pɔɔl peŋ, ki tan betɔ a “I mɔk parcheenn. A poŋ turin siara Jerusalema, ki li bia tee talase ki a bia tun nna Rom.”

Toona 23:11 ပူးပေါင်းရင်းမြစ်များ

Yaŋ 109:31

kimaan ŋɔɔe see tarik siak po, ki nyintɔ binba yaa bin kpiu na nuu ni.

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Matiu 14:27

Li taakpaak ni ki u betib a “Cheen i para man, li tee mine; i daa tiin jaŋmaanii.”

Matiu 28:20

ki wannib ki bin sak linba ki n wanni na kur. Ŋaan ii tian man nan n sii be i boor yoo kura mɔkmɔk nan durinya gbennu.”

Matiu 9:2

Nisiab din tan jii jasɔɔ ki u gbanant kpowa; ki bi paanɔ liaŋ paak ki baar nanɔ Yiisa boor. Yiisa nba la baa teenɔ yada biaŋinba na, ki u yet baatɔɔ na a “N bik, ii mɔk parcheenn; n nyik chab a biita.”

Barŋanii nba ki LUK din sɔb nae na 16:28

ki wun saan kpaan n waarii banŋmu nba biar na, ki bi ji tan daa baat biak boor na ni.’

Jɔɔnn 14:18

“Mi-i taŋi yaat saan, ŋaan n kan nyiki yann ki sɔɔ ki goriini, kimaan n saa jen i peŋ na.

Jɔɔnn 16:33

N beti biak na baaru po a yin tan fit la parmaasire, kimaan yaa gaa n paak na. I tan saa di biak tingbouŋ na ni. Ŋaan yii mɔk parcheenn man, kimaan n nyann tingbouŋ nawa.”

Toona 18:9

Dasiar nyiɔk ki Pɔɔl tan la yirintu. Ki u yirintu maŋ ni ki ti Yomdaanɔ Yiisa betɔ a, “Daa tiin jaŋmaanii, ŋaan kii mɔɔntir n maan maŋ ki daa nyikiti,

Toona 19:21

Li poorpo ki Yennu Seyeeŋ te ki Pɔɔl lor a wun saan Masedonia nan Akaya, ŋaan saa paat saan Jerusalem, ki yet a, “Li poorpo, see ki n saan bann Rom.”

Toona 2:25

Defid din bunt buntir ki jiin Yiisa po ki yaa ‘N mi nan Yennu yɔɔ be nanin, ki u bia see n poorpo ki guun ki n ki laat daŋi.

Toona 20:22

“Tɔn, mɔtana Yennu Seyeeŋe te ki n saa Jerusalem, ŋaan n ki mi linba saa teenin leŋi.

Toona 22:15

kimaan u loon fine n teen u siara daanɔ, kii piak kii teen sɔɔ kur faa la linba ki bia gbat linba.

Toona 22:18

Ki yirintu maŋ ni, ki n la ti Yomdaanɔ Yiisa, ki u betin a ‘Kakitir ki nyi Jerusalem, kimaan li-i tee ki a beer Jerusalem teeb n maan, bi kan gaar maan maŋi.’

1 Korint teeb 9:1

N ki yen n mɔŋi-i? N ki tee Masia toomii kaa-a? N ki la ti Yomdaanɔ Yiisa-a? N toona nba ki n tuun ki teen ti Yomdaanɔ na paak kaa ki i mun tee mɔsakdammi-i?

Filipi teeb 1:13

Li paak, kpanbar gbanjot nan nileeb nba be nna na kur bann nan maa tee Masia toontunnɔ na paake ki n be dansarik ni na.

2 Timoti 4:17

Ŋaan ti Yomdaanɔ daan be nanin, ki turin paŋ, ki n fit mɔn barŋanii maŋ kur ki tur binba ki tee Juu teeb na kura, a bin gbat. Ŋɔɔe daan nyinnin kuun ni.