Toona 17:28 - Yennu Gbouŋ Mɔɔr

²⁸ nan sɔɔ nba din yet a: ‘Li tee Yennu paake ki ti be ki tuun.’ I yandamm pinpakit mun bia lek want nna maŋe a: ‘Ti mun tee Yennu waase.’

Yennu Gbounpaauŋ Mɔɔr

²⁸ Nisɔɔ din yet a ‘Li tee Yennu paake ki ti be ki tuun.’ I yandamm pinpakit mun bia lek want nna maŋe a ‘Ti bia tee Yennu waase.’

Toona 17:28 ပူးပေါင်းရင်းမြစ်များ

JOB labaar 12:10

Yennu-e ŋmakitir u naamii manfoa; ki nisaarik kur manfoor be ŋɔɔ Yennu yiikoo ni.

Yaŋ 36:9

A niŋe ki manfoor kur nyi. Ki a yentu nie ki ti laat yeenin.

Yaŋ 66:9

U te ki ti mɔk manfoor, ki guut, ki ti ki baa.

Jeremaya 38:16

Ki kpanbar Sedekaya senn mɔsonn na ki turin woonin ni a, “N por nan Yennu nba fo ki teenit manfoor na nan n kan kpi-a, koo ki jiia kubin binba loon bin kpi-a na.”

Daniel 5:23

ki tun biir Yennu nba be Yendɔuŋ ni, ki jii nyubitii nan senii nba din tuu be Yenjiantu ŋasaakak ni na; ki fin nan a saakab nan a poob nan a poobis jiir ki nyuu daan, ki ji dont yennii nba ki i jii salimmɔna nan salimpeena nan kutmɔnt nan kutbin nan daat nan tana ki nan, ki bi kan fit la koo ki gbat koo ki bann maan paak na, ŋaan ki i ki baakit Yennu nba senn yaa sii be i manfoor ni, koo yaa saa kpo po. Ŋɔɔe yen linba kur ki i tuun na.

Barŋanii nba ki LUK din sɔb nae na 20:38

Niib maŋ nba din kpowa na, ŋaan bi bia lek daa fo, kimaan Yennu ki tee kpeemm Yennu kaa, u tee footib Yennu-e, kimaan u tɔɔnn, bi kur tee footibe.”

Barŋanii nba ki LUK din sɔb nae na 3:38

ki Kainann baa tee Enos, ki Enos baa tee Sef, ki Sef baa tee Adam, ki Adam baa tee Yennu.

Jɔɔnn 11:25

Ki Yiisa betɔ a, “Mine fiint kpeemm ki teemm manfoa. Daanɔ nba teenin yada, ŋɔɔe sii mɔk manfoor, wuu lekii kpo gbaa;

Jɔɔnn 5:26

N Baa nba yen manfoor ki teen niib na, nnae mun ki u te ki min u Bija mun yen manfoor ki teen niib,

Sennu 30:20

Lomin i Yomdaanɔ Yennu kii mɔk mɔsaku nanɔ fanu, ki yimm nan i yaaboona saa wei, tiŋ nba ni ki u din senn mɔsonn a u saa tur i yeejamm Abraham nan Aisak nan Jakɔb na.”

Kolosa teeb 1:17

Ŋɔɔ Masia din be ki sɔɔ siar daa kaa, ki u paake ki bont kur be.

Taitus 1:12

Kret jasɔɔ, wunba din tee bi tiɔŋ sɔkinii na din yet a: “Kret teeb fa faak yoo kura; bi tee nan bonkobibiit nae, ki bia tee forinfoona nba loon diina kuukɔɔ.” Waa din yet biaŋinba na tee barmɔniie. Li paak, li kpaa talas ki a yakii namm fanu, ki bin dia Masia labaar na nan barmɔnii,

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Hiibru teeb 12:9

Ti baanba nba be tingbouŋ na ni daar ti tubae, ki ti teemm baakir. Li paak, li ŋan ki ti mantik sikin ti mɔŋ ki tur ti baa Yennu nba be Yendɔuŋ ni na, ki la manfoor.

Hiibru teeb 2:11

Ŋɔɔe te ki nisaarii teen popeendamm, ki ŋɔɔ nan ŋamm kur ji taan ki mɔk Baa yenɔkɔɔ. Li paake ki Yiisa ki tiin fei nan wun yiimm u naa waasi.

1 Samuel 25:29

Li-i tee ki wunba kur tan leka, a wun kpiia, ŋaan ti Yomdaanɔ Yennu-e saa tinna, ki guura nan jɔɔ nba tuu guu u mɔkint na. A datai ŋarin, u saa lube nan jɔɔ nba tuu jii tann ki teen naaluubuk ni ki luur na.