Toona 17:16 - Yennu Gbouŋ Mɔɔr

¹⁶ Pɔɔl nba din daa be Atens ki guu Sailas nan Timoti na, ki u la tingbana gbee doo maŋ ni, ki li biir u par bonchiann.

Yennu Gbounpaauŋ Mɔɔr

¹⁶ Pɔɔl nba din daa be Atens ki guu Sailas nan Timoti na, ki u la doo maŋ ni ki bi maa pata ki senn senn sɔnii ni ki pukiib, ki li din biir u par ni bonchiann.

Toona 17:16 ပူးပေါင်းရင်းမြစ်များ

1 Kpanbara 19:10

Ki u jiin a, “Yomdaanɔ, Yabint Yennu, yoo kur n jiantir fine, fin kuukɔɔe ki n jiantir, ŋaan Israel teeb na biir mɔlor nba ki a lor namm nawa, ki bit a maruŋ binbinta, ki bia kpii a sɔkiniinba. Min kɔɔe tenn, ki bi bia loon bin kpin.”

1 Kpanbara 19:14

Ki u jiin a, “Yomdaanɔ, Yabint Yennu, yoo kur n jiantir fine, fin kuukɔɔe ki n jiantir, ŋaan Israel teeb na biir mɔlor nba ki a lor namm nawa, ki bit a maruŋ binbinta, ki bia kpii a sɔkiniinba. Min kɔɔe tenn, ki bi bia loon bin kpin.”

Yaŋ 119:136

N ninnyuut puub nan mɔkir nae, kimaan niib nba ki dia a sennu na paak.

Yaŋ 119:158

Mi-i got biitdamm na, n tuu yaa man put nan wutoore, kimaan bi ki dia a sennii na.

Yaŋ 69:9

Maa loon a ŋaak biaŋinba na, n par di muue, ki sukit nba bo sii tee a yar na, ki li baa n paak.

Jeremaya 20:9

Ŋaan li-i tee ki n yet a, “See ki n nyik Yennu ki ji kan ban pak u sann ni,” li yoo a maan na tuu tee nan muu nae ki di n par ni. N tuu yabire maa mii diar n par ni, ŋaan n ki fit diari.

Maika 3:8

Ŋaan min ŋarin, Yennu gbeen u Seek nan u yiikoo n niwa, ki bia turin barmɔnii yan, nan parcheenn nba ki n saa yet Israel teeb bi toonbiit nba tee.

Barŋanii nba ki MAK din sɔb nae na 3:5

Ki u gotib ki lint nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant, ki li la laafia.

Jɔɔnn 2:13

Ŋanne ki Juu teeb yukitgar tiaru jaamm tan per, ki Yiisa saan Jerusalem, a wun saa di jaamm maŋ.

Toona 17:15

Niib nba din chiant Pɔɔl na din baar nanɔ Atens-ewa, ki tan yaa bin ŋmat kun, ki Pɔɔl betib a bin saa bet Sailas nan Timoti ki bin yabir ki baar yian na. Ki niib na ji din ŋmat kun Berea.

Toona 17:21

(Atens niib kur nan binba nyii tinganii ki baar be na, din tuu jii bi yooe ki faa labaar, ki bia gbiintir barsaanii nba yɔɔnt baar na.)

Toona 17:23

kimaan maa kak lin i doo na, n got i tingbana, ki bia la jiantu binbintir ki li sɔb li paak a ‘Yennu nba ki ti ki miu na.’ N loon ki n wanni Yennu nba ki i pukiiɔ ŋaan ki miu nae.

Toona 18:1

Li poorpoe ki Pɔɔl nyii Atens ki saan Korint doo ni.

Toona 20:22

“Tɔn, mɔtana Yennu Seyeeŋe te ki n saa Jerusalem, ŋaan n ki mi linba saa teenin leŋi.

1 Tesalonika teeb 3:1

Li paak, laa ji daan tan paak ti nii yoo nba, ki ti tat biar Atens doo ni,

2 Piita 2:7

U bia din tinn Lot, wunba din tee niŋanɔ na. Biitdamm nba din tuun bi gbanant loonbiit biaŋinba na, li din biir ŋɔɔ Lot par bonchiann.