Toona 16:10 - Yennu Gbouŋ Mɔɔr

¹⁰ Pɔɔl nba la yirintu maŋ na, li taakpaak ni ki ti teen siir a tin saan Masedonia, kimaan ti ji din la nan Yennu-e betit a tin saan kii sakii mɔɔntir Yiisa barŋanii kii teen leŋ niib na.

Yennu Gbounpaauŋ Mɔɔr

¹⁰ Pɔɔl nba la yerintu maŋ na, li taakpaak ni ki ti teen siir a tin saan Masedonia, kimaan ti ji din la nan Yennu betit a tin saan kii sii mɔɔntir Yisa barŋanii kii teen niib na leŋ.

Toona 16:10 ပူးပေါင်းရင်းမြစ်များ

Pinpiik 5:18

Ki Jared dii bina kobik nan piinloob nan ŋanlee, ki mar Enɔk.

Yaŋ 119:60

N kakite yian maa n sak a sennii.

Toona 10:29

Li paak, yaa yiinin na, n baar, ki ki yêti. Ŋanne ki n boi-i maa n laan bee teen ki i tun yiinimi.”

Toona 14:7

Baa din saa baar leŋ yoo nba, ki bi mɔɔntir Yiisa barŋanii na.

Toona 16:9

Leŋe ki Pɔɔl la yirintu ni nyiɔk, ki Masedonia nirɔ baar see ki barimɔ a, “Pootir mɔkgbeŋir na ki baar Masedonia na, ki tan sommit.”

Toona 26:13

“Tɔn, Chanbaa Agripa, li din tee yonsuuk nie ki n be sɔnu paak ki saa, ki tan la ki yentu nyii sanpaapo ki yeen gar yonnu, ki yent nyɔkit ki lint min nan n tɔknanleeb na.

Toona 27:1

Baa ji din tan lor a bin jii Pɔɔl ki saan nanɔ Rom, Itali tiŋ ni na, ki bi jii ŋɔɔ nan dansarkɔɔleeb, ki tur Rom lanjimanba saakɔɔ nna, ki u sann tee Julius, ki u be lanjimanba paabu nba ki bi yi Kpanbara Yudaanɔ Paabu na ni, ki u jii lanjimanba na,

Toona 9:10

Ki Yiisaweisɔɔ din be Damaskus maŋ, ki u sann tee Ananias, ki ti Yomdaanɔ yiinɔ yirintu ni a, “Ananias!” Ki u jiin a, “Mine na, n Yomdaanɔ.”