Toona 15:18 - Yennu Gbouŋ Mɔɔr

¹⁸ Nnae ki Yennu, wunba te ki bi bann linba na yaayoo niwa na din yet.’ ”

Yennu Gbounpaauŋ Mɔɔr

¹⁸ Nnee ki ti Yomdaanɔ Yennu din yet, ŋɔɔ wunba te ki bi bann linba na yaayoo niwa.’ ”

Toona 15:18 ပူးပေါင်းရင်းမြစ်များ

Aisaya 44:7

Sɔɔ be ki saa fit tun linba ki n tun na-a? Ŋmee din saa fit wann linba saa tun, laa nyii piinu niwa ki tan tuu gbennu?

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Amos 9:12

ki te Israel teeb n kɔn ki nyann Edom tiŋ nba biar na, nan digbanlia nba kur din tee n yar na. Min Yennu nba saa te linba na kur n tun nae pak na.”

Sekaria 14:7

koo siara bunbɔnn ji tan sii kaa. Yoo kur, yentu sii be-e, halii nan nyiɔkɔ. Yennu kuukɔɔe mi yoo nba ki linba na saa tun.

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

Matiu 13:35

U tun nnae a linba ki Yennu sɔkiniisɔɔ din sɔkin na n gbee a, “N tan saa yaat n mɔb ki yet barjokite, ki pak fiit wann woonin ni bona nba din woon ki ki nyii paanu durinya piinu niwa ki tan tuu mɔtana na.”

Matiu 25:34

Ki min Bat saa yet binba see n niidiitu po na a ‘Yimm nba ki n Baa Yennu teen piisin i paak na, ii saana man ki tan kɔɔ naan nba ki Yennu ŋamm ki guuni durinya piinu niwa na,

Toona 17:26

Ŋɔɔe te ki nibooru kur nyii yeeja yenɔkɔɔ ni, ki bia te ki bi be tingbouŋ na kur po, ki u mɔŋ mɔŋ senn yoo nba ki nibooru kur sii be, ki bia teen bi binbeboa terii.

Efesus teeb 1:11

Yennu tuun siar kur u dudukit nan u lora nie, ki gannit a tii tee u niib, nan u bibikit nba tee biaŋinba pinpiik niwa na.

Efesus teeb 1:4

Yennu nba poŋ daa din ki nan tingbouŋ yoo nba naewa, ki u gannit a tii tee u niib, Yiisa Masia paak, kii tee popeendamm ki daa mɔk biit u boori.

Efesus teeb 3:9

ki bia te ki niib kur nunii n yent, ki bin bann biaŋinba ki Yennu woonin ni lor maŋ tuun ki gbeent Masia ni. Yaayoo niewa ki Yennu nba nan bonsiar kur na din diar woonin ni,

2 Tesalonika teeb 2:13

Ti naa waas, yimm nba ki ti Yomdaanɔ looni na, li kpaa talas ki tii piak Yennu yoo kur i paak, kimaan u din ganni pinpiik niewa a yin la tinnu. I din teen barŋanii nba tee barmɔnii na yada, ki u Seyeeŋ bia ŋammi ki teeni popeendamm, li paak ki i la tinnu na.

1 Piita 1:20

Yennu nba daa din ki nan durinya yoo nba na, ŋaan ki u poŋ gann Masia a wuu tee maruŋ maŋ, ki u tan nyii paanu dajoontii na ni, ti paak.

Fiitu 13:8

Niib kur nba be tingbouŋ na ni, ki bi sana ki sɔb binba mɔk manfopaann na gbouŋ ni, yoo nba ki durinya daa din kaa na, bi saa jiant muuk ni bonkobuk na. Manfoor gbouŋ na tee Pegann nba ki bi din kpiiu na yare.

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan saa nyi bootsunsuŋ nba kaa terik na ni ki do, ki saa saan siaminba ki bi saa biirɔ na; a ki niib nba be tingbouŋ na ni ki bi sana ki sɔb manfopaann teeb gbouŋ ni, yoo nba ki durinya daa din ki piin na, saa got bonkobuk na, lin bakitib, kimaan bia? Bonkobuk na din fo, ŋaan ji ki fo, ŋaan bia tan sii fo;