Toona 13:36 - Yennu Gbouŋ Mɔɔr

³⁶ Tɔn, Defid din tun linba ki Yennu wannɔ ki gbenn; li poorpoe ki u kpo, ki bi piiu, u yeejamm kaauk ni, ki u gbanant bat.

Yennu Gbounpaauŋ Mɔɔr

³⁶ Tɔn, David din tun linba ki Yennu wannɔ ki gbenn; li poorpoe ki u din tan kpo, ki bi piiu u yejamm kakura ni, ki u gbanant bat.

Toona 13:36 ပူးပေါင်းရင်းမြစ်များ

Pinpiik 3:19

A tuu saa tume bonchiann ki nyi naauka ki tiŋ n fit nan jeet, nan faa tan saa ŋmat tant nba ki a nyii na ni. Tante ki n jii nama, a bia tan saa ŋmat kpant tant maŋe.”

2 Samuel 7:12

Li-i tee ki a kpo ki bi piia a yeejamm boor yoo nba, n saa nyinn a bonjai na yenɔe ki dinnɔ naan, ki u naangbouŋ-ii mɔk paŋ.

1 Kpanbara 2:10

Defid din kpo, ki bi piiu doo nba ki bi yi Defid doo na ni.

1 Barkperii 11:2

Sianyoowa dinn ki sɔɔ Sɔɔl daa din tee ti kpanbar na gbaa, ŋaan fine din tee daanɔ nba ŋmakitir timm Israel jab tɔbii ni, ki a Yomdaanɔ Yennu senn mɔsonn nan a saa dia u niib, kii tee bi kpanbar.”

1 Barkperii 17:11

Li-i tee ki a kpo ki saan a yeejamm boor yoo nba, n saa nyinn a bonjai na yenɔe ki dinnɔ naan, ki te ki u naangbouŋ-ii paar.

1 Barkperii 18:14

Defid din dia Israel teeb kur ki tuun linba ŋan ki bia took, ki teen u niib yoo kur.

1 Barkperii 29:28

U din tan kpetewa ki kpo. U din dii manu u manfoor ni, ki mɔk mɔkint, ki bia la baakir niib boor; ki u bija Solomonn-e din gaar u setu ki dii naan.

2 Barkperii 12:16

Rehoboam din tan kpo, ki bi piiu kpanbara kaat ni, Defid doo ni, ki u bija Abija dii u naan na.

2 Barkperii 21:1

Jehosafat din kpo, ki bi piiu kpanbara kaat ni, Defid doo ni, ki u bija Jehoram gaar u naan na.

2 Barkperii 26:23

Yusia din kpo, ki bi piiu baa din pii kpanbara tiŋ nba na nie, kimaan u yiaryoonn na paak ki bi din ki fit piiu kpanbara kaat ni. Ki u bija Jotam set u seenu ni ki dii naan.

2 Barkperii 9:31

U din kpo, ki bi piiu, u baa Defid doo ni. Ki u bija Rehoboam gaar u naan.

JOB labaar 17:14

Ki n saa yiin kaauk na n baa, ki nanwuba nba mɔɔn na, ki n saa yiimm n naa nan n niipoob.

JOB labaar 21:26

Ŋaan bi kur lek tuu tan kpo ki bin piibe, ki nanwuba n kɔɔ bi kur.

Yaŋ 49:14

Bi saa kpoe nan pei nba kpenn na, ki kuun sii tee bi kpaartɔɔ. Binba be kasii na saa nyannib, ki bi gbanant saa bat yian kpeentiŋ, siaminba fɔk nan bi ŋei.

Yaŋ 49:9

nan u ji daa kpenn ki siik kaauk ni.

Matiu 25:16

Wunba din gaar tusbamm ŋanŋmu na din nyiie nan u likirii yiama ki piin kpinkpouŋ, ki la nyɔɔt tusbamm ŋanŋmu ki pukin li paak.

Jɔɔnn 11:39

Ki Yiisa betib a, “Biitir kaauk maŋ man.” Ki Maata, wunba tee kpeemmɔ na niipoo na, yetɔ a, “N Yomdaanɔ, li sii pɔi hei, kimaan baa piiu, daa ŋannae na.”

Toona 13:22

Ki Yennu tan liat u naan na, ŋaan dinn Defid a wuu tee bi bat jik. Nnae ki Yennu din pak Defid po a ‘N la nan Defid nba tee Jese bik na mantik gboo n numm, kimaan u saa tun linba kur ki n loona.’

Toona 2:29

Ki Piita bia ŋamm yet a, “N naa waas, n yaa n pak yent i numpoe ki jiin ti yeejasaakɔɔ Defid po. U din kpo, ki bi piiu, ki u kaauk daa be nna na.

Toona 20:27

kimaan n ki mi fɔrint nan man mɔɔnt Yennu maan maŋ kur ki wannini.

Toona 7:60

ŋaan gbaan ki yiin sanpaapowa a, “N Yomdaanɔ, daa jikit bi biit na ki biiribi.” U yet nnae ŋaan ji kpo.

Toona 8:1

Ki Sɔɔl sak nan baa kpii Stiifenn na, li ŋan. Li daar maŋe ki mukisubiiuk baar Yiisaweira nba be Jerusalem na paak; ki bi kur nyii yat ki saan Judea nan Samaria yentnba po, ŋaan nyik toomiinba na kuukɔɔ leŋ.

1 Korint teeb 15:18

Li bo bia want nan binba teen Yiisa yadawa ki kpo na bote.

1 Korint teeb 15:6

Li poorpo biak ki u dɔkit u poorpoweiteeb nba taan ki yab gar niib kobii ŋanŋmuwa na paak, ki wann u mɔŋ. Bi bonchiann daa be bi manfoa ni, ki bi siab mun kpowa.

1 Tesalonika teeb 4:13

Ti naa waas, ti loon yin bann barmɔniie ki jiin Masiaweira nba kpo na po, ki daa mɔk parbiir nan binba ki mɔk dindann nba mɔk na.