Sennu 6:10 - Yennu Gbouŋ Mɔɔr

¹⁰ “Ti Yomdaanɔ Yennu saa turi tiŋ nba mɔk digbanjaana nba mɔk mɔkint, nan doi nba ki i ki maa, nan biaŋinba ki u senn mɔsonn ki tur ti yeejamm Abraham nan Aisak nan Jakɔb na.

Sennu 6:10 ပူးပေါင်းရင်းမြစ်များ

Pinpiik 15:18

Li yoo maŋ ki Yennu senn mɔsonn ki tur Abram. U din yet a, “N jikit tiŋ na ki teen a yaaboona, laa nyii Ijipt mɔkir paak, ki saa tuu Yufrates mɔkir:

Pinpiik 26:3

Ii be nna, ki n saa teen piisin a paak. N saa jii digbana na kura ki tur fin nan a yaaboona. N sii dia mɔsonn nba ki n senn tur a baa Abraham na.

Pinpiik 28:13

Li yoo na ki u la ki Yennu see ki kpiau. Ki Yennu yet a, “Mine tee Yennu, wunba tee Abraham nan Aisak Yennu. N saa jii tiŋ nba ki a dɔɔ li paak na, ki tur fin nan a yaaboona.

Nehemaya 9:25

A niib na din nyann digbana nba mɔk joonpaara, nan tinkpiasa, ki li ŋei gbee nan mɔkint, ki bunbuna poŋ gbiira ki be li ni, nan kpan tiinii nan daan tilontii kpaant nan tilontilia, ki bi di baa loon biaŋinba ki gbeŋit, ki laat bonŋana nba kur ki a teemm, ki bi di nan parpeenn.

Yaŋ 105:44

U din jii nisiab tiniie ki turib, ki te ki bi gaar bi sarwaat,

Yaŋ 78:55

U din ber niib nba kɔɔ leŋ na ki nyinnib, yoo nba ki u nigannkab Israel teeb baat na, ki biit tiŋ na ki tur bi booru kur, ki kɔɔmm niib nba din kɔɔ leŋ na ŋei ni.

Sennu 1:8

Gotirii, n jii tiŋ nae ki turi. Ii saa man ki saa kɔɔ yent tiŋ maŋ, tiŋ nba ki min Yennu senn mɔsonn ki tur i baanba Abraham nan Aisak nan Jakɔb nan bi maaru kur nba saa wei bi poor na.’ ”

Sennu 19:1

“Yoo nba ki i Yomdaanɔ Yennu biir niib nba ki u jikit bi tiŋ ki teeni na, ki i kɔɔ kar bi doi nan bi ŋei ni,

Sennu 31:20

Ki n saa jiib ki saan namm mɔkint nan tinkpiasir nba ki n senn mɔsonn a n saa tur bi yeejamm na ni. Leŋ bi sii laat jeet nba kur ki bi loon, ki sii be bi yamani. Ŋaan bi saa ŋmante ki jiantir yenbis, ki yêtin ki biir n mɔlor.

Sennu 6:18

Ii tuun linba kur ki u yet a li ŋan ki bia took na fanu, ki bont kur saa somm fanu ki turi, ki i saa fit ki yent tinkpiasir nba Yennu senn mɔsonn nan i yeejamm nan u saa turib na.

Sennu 6:23

Ki u nyinnit Ijipt tiŋ ni, a wun baar nant ki tan turit tiŋ na, nan waa senn mɔsonn ki tur ti yeejamm ki yaa u saa tun na.

Sennu 8:12

Yoo nba ki i mɔk jeet nba kur ki i saa di, ki bia maa ŋaŋanii ki kɔɔ,

Sennu 9:1

“Israel teeb, gbiintir man, i per Jɔɔdann mɔkir pootuwa, ki saa kɔɔ kar tiŋ nba ki leŋ niib yabi ki bia mɔk paŋ ki gari. Ki bi doi yab, ki li joona fɔk ki saa tuu sanpagbant.

Joosua 24:13

N turi tiŋ nba ki i ki ban kooe, nan doi nba ki i ki maa. Mɔtana i kɔɔ leŋe na, ki mɔɔ lɔɔna nba ki i ki bur li tiinii, ki bia pɔ kpan tiinii nba ki i ki bur.’ ”