Sennu 5:5 - Yennu Gbouŋ Mɔɔr

⁵ Ki n set yimm nan Yennu sinsuuk ni li yoo na, maa n wanni linba ki u yet, kimaan i tiin muu na jaŋmaaniie, ki ki sak nakin jɔɔr na.

Sennu 5:5 ပူးပေါင်းရင်းမြစ်များ

Pinpiik 18:22

Ki jab banlee na seet ki saa Sodom po, ŋaan ki Yennu nan Abraham biar.

2 Kpanbara 18:4

U din biir tingbann jiant boa, ki yeer tanchaakaa na, ki bia biir chicherpook Asera ninnant na. U bia din biir kutmɔnt waauk nba ki Moses nan, ki li sann tee Nehustann na. Li yoo maŋ niib bia din jokit bonnunubit ki teenir baakir.

Yaŋ 106:23

Yennu nba yet a u saa biir u niib na, ki u niganntɔɔ Moses fiir set tokinɔ, ki gɔɔr u wutoor na, ki li ji ki biirib.

Nyinu 19:16

Ki daaŋantaa maŋ daar sanyiɔk ni, ki saak nyikint ki tian, ki sanpagboungbeŋir nna dɔkit jɔɔr na paak, ki bi gbat naatunn bui sanpaapowa, ki jaŋmaanii soor binba be leŋ na kur, ki bi jekir.

Nyinu 19:21

Ki Yennu yetɔ a, “Sikin ki kpaan niib na ki bi daa yaak terik na ki baat a bin lami. Bi-i teen nna, bi bonchiann saa kpowa.

Nyinu 19:25

Li poor po ki Moses ŋmat sik niib na boor, ki saa yetib linba kur ki Yennu pakɔ.

Jeremaya 30:21

Bi diarɔɔ saa nyi bi tiɔŋ digbann nie, ki bi yudaanɔ n nyi bi tiɔŋ niib ni. U saa baar n boor yoo nba ki n yiinɔe. Ŋmee sii mɔk par ki baar ŋaan ki n ki yiinɔ. Bi sii tee n niibe, ki n tee bi Yennu. Min Yennu-e pak na.”

Nikant 16:48

Linba na din gɔɔr yiaryoonn na, ki Aarɔnn ji biar see footib nan kpeemm sinsuuk ni.

Galasia teeb 3:19

Ki sennu na nyɔɔt tee bee? Toonbiit paake ki Yennu din tur nisaarii sennu na ki pukin u mɔsonn na paak, ki loon sennu maŋ-ii diab mɔkmɔk nan yoo nba ki Abraham yaaboonn nba ki ŋɔɔ Yennu senn mɔsonn ki turɔ na tan saa baar. Ki malakanba jii sennu maŋ ki teen nisaarik nuu ni a wuu tee sɔkintɔɔ,

Sennu 5:27

Moses, ŋmatir ki saa gbiint linba kur ki ti Yomdaanɔ Yennu saa yet, ki jenna ki tan wannit linba ki u yet, ki ti saa gbiint kii mɔk mɔsaku.’

Hiibru teeb 9:24

Nisaarik nba din ŋamm boor nba tee kasii ki nannir nan Yendɔuŋ ni bont nba tee li barmɔnii na, Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn, ti paak na.