Sennu 32:43 - Yennu Gbouŋ Mɔɔr

⁴³ “Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”

Sennu 32:43 ပူးပေါင်းရင်းမြစ်များ

Pinpiik 12:3

Binba kur teena piisin, n mun sii teemm piisin, ŋaan binba waanta mɔbiit, n mun sii waantib mɔbiit, ki a yaa paak, n saa teen piisin nisaarii kur paak.”

1 Kpanbara 8:43

fan gbiint u miaru. Faa be Yendɔuŋ ni na, a gbat u miaru ki tun linba ki u loon, ki nibooru kur nba be tingbouŋ na ni saa banna, ki sak a mɔb, nan a niib Israel teeb nba tuun na. Ŋanne ki bi saa bann nan jiantu ŋasaakak nba ki n maa nae set tee siaminba ki bi sii jiantira.

2 Kpanbara 9:7

A kpi a chanbaa kpanbar, wunba tee Ahab bija na, ki man fit dat Jesebel tubir, kimaan waa din kpii n sɔkiniinba nan n toontunlia na paak.

JOB labaar 13:24

Bee paake ki a tiin bɔrimi? Bee paake ki a ŋmaŋitin nan n tee dataak na?

Yaŋ 22:27

Digbana kur saa tiar Yennu po. Durinya munn saa ŋmant u paak, ki booru kur saa jiantɔ.

Yaŋ 58:10

Kasii damm sii mɔk parpeenn, li-i tee ki bi la yanbɔndamm be tubdatu ni, li yooe ki bi saa somm toonbiit damm sɔn ni.

Yaŋ 65:3

Taa bo be yanbɔmm ni na, ki a bo nyik chab ti biit.

Yaŋ 79:10

Bee teen ki boorganu na boit a, “I Yennu na be lee?” Yennu, ŋaant ki tin la nan ti ninbina, ki a dat binba kpii a niib na tuba.

Yaŋ 79:9

Yennu, a sommit, ki tinnit. A fatit ki nyik chab ti yanbɔmm, kimaan a mɔŋ sanŋann paak.

Yaŋ 85:1

Yennu, a mɔk ninbatinu nan a tiŋ. A te ki Israel teeb bia ŋamm mɔkita.

Yaŋ 85:3

A nyik ki ji ki dont wutoor nammi, ki soor a parbeenn na.

Aisaya 1:24

Li paak, mɔtana, gbiintir linba ki Israel teeb Yabint Yennu nba mɔk paŋ na yeen a, “N saa jiin yimm nba tee n datai na pana, ki i ji kan turin daamii.

Aisaya 1:25

N saa jiin bonbiir i paak. N saa ŋammi nan baa tuu pur kut ki ŋammir biaŋinba nae, ki saa nyinn i biit na kur.

Aisaya 11:10

Daar baate ki kpanbar paaŋ tan saa nyi kpanbar Defid naan naakuuk ni ki tee nyinn ki tur booru kur. Bi tan saa lakin u naan digbann na ni, ki turɔ baakir.

Aisaya 19:23

Li yoo-i baar, sɔnjar sii be ki nyi Ijipt ki saa Asiria. Li digbana ŋanlee niib sii somm kɔɔ bi leeb doi ni, ki digbana ŋanlee maŋ niib saa lakin jiant Yabint Yennu.

Aisaya 19:25

Yabint Yennu saa teen piisin bi paak, ki yet a, “N saa teen piisin yimm n niib Ijipt teeb paak, nan yimm Asiria teeb nba tee n naami na paak, nan yimm Israel teeb nba ki n gann na paak.”

Aisaya 44:22

N wuur i biit ki li yaat nan sanpagbouŋ nba tuu gar biaŋinba nae. Jennin n boor man; mine tee wunba tinti.”

Aisaya 60:6

Laagumiinba saa jii jika ki nyi Midiann nan Efa ki baar a boor. Bi saa nyi Sieba ki baar nan salima nan bonnunubit. Niib saa pak barŋanii ki jiin linba Yennu tun na po.

Aisaya 66:10

Ii taan Jerusalem po kii kpamm, kii mɔk parmaasir u paak, yimm nba kur loon doo na na. Yimm nba kur tuu mɔ u paak na, ii taan u po kii kpamm mɔtana man.

Jeremaya 13:14

Li poor po, n saa butib nan soa nba tuu lia leer na, saakab nan waas kur yomm. Ninbaauk koo ninkpabauŋ kan fit te man nyik bi kpinu.”

Jeremaya 51:36

Yennu pak Jerusalem teeb na a, “N saa gaar i paak ki te ki i datai n pa baa tun linba ki turi na paak. N saa te ki Babilonn kpen-yura n koor, ki mɔka na n fɔɔr.

Fabinii 2:5

Yennu biir Israel teeb nan u tee bi dataake na, ki te bi joonpaara nan nijaana ŋei kpant langbent, ki te parbiir nba kaa gbennu baar Juda teeb paak,

Esekiel 16:63

N saa nyik chaba a biit, ŋaan a saa dukin a yanbɔmm po, ki fei saa di-a, ki a kan fit yet mɔbonni.” Min Yabint Yennu-e paak na.

Esekiel 25:14

Ki n saa te n niib Israel teeb n jiin Edom teeb pann, ki te Edom teeb na n bann n wutoor nba tee. Ki mi-i dat Edom teeb tuba yoo nbae, ki bi saa bann laa tuu tee biaŋinba, mi-i jiin pann. Min Yabint Yennu-e pak na.”

Barŋanii nba ki LUK din sɔb nae na 19:27

Tɔn, n datai na nba ki loon ki n teen bi bat na, ŋann baat namm nna na, ki tan kpib n numm ni na.’ ”

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

Rom Teeb 12:19

N naa walonkai, i kpan daa tuun biit ki jiint biit paaki, ŋaant ki Yennu n pa pann maŋ. Li sɔb Yennu gbouŋ ni a, “Min kuukɔɔe mɔk yiikoo nba saa dat niib tuba; mine saa pa pann maŋ, min Yennu-e pak na.”

Sennu 32:35

Yennu saa ŋmant bi paak ki dat bi tubawa; yoo baate ki bi saa ŋat baa, bi biiru daar per na.

Fiitu 15:2

Ki n la siar ki li naan mɔkgbeŋir, ki yeen nan mianu na, ki ŋmat nan muu; ki n bia la binba kɔn ki nyann muuk ni bonkobuk nan u ninnauŋ nan u sann kann na, ki bi see kpia mianu mɔkgbeŋir na, ki dia kɔna nba ki Yennu turib na;

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”

Fiitu 18:2

ki u yeen nan kunkɔsaakar a “Dogbeŋir Babilonn na baawa, li set baawa, ki ji kpant siaminba ki narinbiit kur, nan nɔɔnbiit nba mɔk sinsint na be.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Fiitu 19:2

ki u buut ŋan ki bia tee mamɔmm; ki u bu poochonchonbiiuk nba biir tingbouŋ na nan u chonchonsin na buut, ki dat u tubir, waa kpii ŋɔɔ Yennu toontunna na paak.”

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”