Sennu 32:39 - Yennu Gbouŋ Mɔɔr

³⁹ “ ‘Bant mɔtana nan min kuukɔɔe tee Yennu, yensau kaa ki tee barmɔnii Yennu. Min Yennu kpi, ki bia teen manfoor, n teen daŋ, ki bia teen laafia, ki sɔɔ ki be ki saa fit fati n nuu ni.

Sennu 32:39 ပူးပေါင်းရင်းမြစ်များ

2 Kpanbara 20:5

ki Yennu pakɔ a wun ŋmat Hesekia, wunba dia ŋɔɔ Yennu niib na boor, ki pakɔ a, “Min Yennu nba tee a yeeja Defid Yennu na gbat a miaru, ki bia la a ninnyuut nawa. N saa tura laafia, ki daa ŋantaa ni a saa saan Yenjiantu ŋasaakak ni.

2 Kpanbara 5:7

Israel kpanbar nba karin gbouŋ maŋ, ki u pat u tiat nan yanyêtuk, ŋaan pak sanpaapo a, “Nlee ki Siria kpanbar saa dukin nan man te ki jɔɔ na n la laafia? U dukii nan n tee Yennu-e, ki mɔk manfoor nan kuun paŋi-i? Li want nan u loon wun bannin nan kɔnne.”

Nehemaya 9:6

Ki Israel teeb na miar Yennu a: “Yennu, fin kɔɔe tee Yennu, fine nan sanpaak nan ŋmaabira nba be sanpagbouŋ paak na. Fine nan tiŋ nan mɔkgbeŋa nan linba kur be li ni na, fine tur bonfoor kur manfoor. Sanpaapo bona kur gbaant ki jiantira.

JOB labaar 10:13

Ki n ji mi mɔtana nan a bɔr lorin a fan turin daŋe.

JOB labaar 10:7

A mi nan n ki biir, ki sɔɔ kan fit fatin a nuu ni.

JOB labaar 5:18

Yennu-e bobint nar nba ki u fet, ki wuu tura daŋ, ŋaan u nuue bia saa tura laafia.

Yaŋ 102:27

Ŋaan fin ŋarin tee yomme yoo kur, ki a manfoor kaa gbennu.

Yaŋ 102:28

Ti waas sii be bi yamanie, ki a fatu nie ki ti yaaboona sii be fanu.

Yaŋ 18:31

Yennu kuukɔɔe tee ti Yomdaanɔ Yennu kuukɔɔe tee ti sommtɔɔ.

Yaŋ 50:22

“Gbiintir linba na man, yimm nba yêtin na, nna-i kaa, n saa boontiwa, ki sɔɔ kii be ki saa tinniini.

Yaŋ 51:8

Ŋaant ki man gbat parpeenn nan parmaasir fuur, faa lek kɔnn n kpabawa na, ŋaan n bia sii mɔk parpeenn.

Yaŋ 68:20

Ti Yennu-e tee Yennu nba saa tinnit, ŋɔɔe tee Yennu, ki tee ti Yomdaanɔ ki nyintit kuun ni.

Yaŋ 86:10

A tee yabintdaanɔe, ki tuun bakitnauŋ toona, fin kɔɔe tee Yennu.

Nyinu 15:26

U din yetib a, “Li-i tee ki i saa sak n mɔb fanu kii tuun linba ŋan, ki bia dia n sennii na, n kan jii yiarii nba ki n din jii ki dat Ijipt teeb tuba na nan yenna ki dat i tuba. Mine tee Yennu, wunba teeni laafia.”

Nyinu 4:7

Ki Yennu yetɔ a, “Ŋammit kɔɔn a nuu a liatir ni.” Ki u tun nna, ki waa nyinn u nuu yoo nba, ki li mɔk laafia, ki tee nan u gbananlia na.

Banntɔɔ 3:3

ki senn nikpinu yoo ki bia senn tebu yoo, ki senn yeeru yoo, ki bia senn maanu yoo,

Aisaya 19:22

Yennu saa dat Ijipt teeb tuba, ŋaan li poor po, wun turib laafia. Bi saa ŋmat u boor, ki u saa gbat bi miaru ki turib laafia.

Aisaya 30:26

Ŋmaarik sii yeen nan yonnu nae, ki yonnu yentu saa ŋamm pukin taar munlore, ki li yeeuŋ sii tee nan daa ŋanlore nba saa taan ki yent dayenn kɔɔ ni na. Linba na kur tan saa tun, yoo nba ki Yennu saa lor u niib fiat nba ki u turib na a lin buur nae.

Aisaya 41:4

Ŋmee din te linba na tumi? Ŋmee te ki bona tuun, laa tuun biaŋinba na? Min Yennu din be pinpiik ni, ki min Yennu bia sii be li joontu.

Aisaya 43:10

“Israel teeb, yimme tee n siara damm; n gann yimme maa yii tee n toontunna, ki fit bannin, ki teenin yada, ki bia bann nan mine tee Yen-yemmir. Yennu ji kaa ki pukin n po; yensau din kaa kawa, ki yensau bia kan ban kii be.

Aisaya 43:12

Mine bunt linba saa tun, ki bia baar a man sommi. Yenganu ki ban tun linba na, yimme tee n siara damm.

Aisaya 43:13

Mine tee Yennu, ki bia sii yɔɔ tee. Sɔɔ kaa ki saa fit nyi n yiikoo ni, sɔɔ bia kaa ki saa fit lebit maa tuun linba.”

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Aisaya 45:22

“Durinya kur niib, baat n boor man ki la tinnu. Min kɔɔe tee Yennu nba be.

Aisaya 45:5

“Mine tee Yennu, ki yensau ji kaa ki pukin n po. Faa lek ki min na, ŋaan n saa tura paŋ nba ki a loon.

Aisaya 46:4

Mine tee i Yennu, ki sii dia-i nan yaa tan saa kpet, ki i yut n penn. Mine nami ki sii gorii-i. N saa turi sommir ki tinni.”

Aisaya 48:12

Yennu din yet a, “Gbiintir man, yimm Israel teeb nba ki n yiini na. Mine tee Yennu, ki tee piinu nan joontu, ki tee Yen-yemmir.

Esekiel 37:12

Li paak, a pak tur n niib Israel teeb, ki yetib nan min Yabint Yennu yaa man loot bi kaate, ki nyinnib, ki te bin ŋmat jen Israel tiŋ ni.

Esekiel 37:3

Ki u boin a, “Nisaarik, kpaba na saa fit jen manfoor niŋa-a?” Ki n jiin a, “Yabint Yennu, fin kuukɔɔe mi.”

Hosea 5:14

N saa lek Israel teeb nan Juda teeb nan yanbɔr nba tuu lek biaŋinba nae. N mɔŋe saa patib burii burii, ki nyikib. Mi-i taŋi daarib yoo nba, sɔɔ kaa ki saa fit fatibi.

Hosea 6:1

Ki niib na piak a, “Ŋaant ki tin ŋmat Yennu boor. U turit daŋa, ŋaan u saa tebita. U turit narawa, ŋaan u saa wuur turita.

Maika 5:8

Ki Israel teeb nba tenn ki be digbangana ni na, tan sii tee nan yanbɔr nba tuu gɔrin ki loon jeet fɔɔr ni na, ki tuu tan dɔkit pei paak, ki baa bi paak, ki patib burii burii, ki bi ji ki mɔk dindann tinnu po nae.

Jɔɔnn 8:24

Li paake te ki n yeti maa i tan saa kpo ŋaan poŋ ki la nyikinchab na; ki li-i tee ki i ki teen yada nan n tee maa tee wunbae, i set saa kpo ŋaan poŋ ki la nyikinchabi.”

Sennu 32:12

Yennu kɔɔe dia u niib, ŋaan ki boi yensau sommir po.

Sennu 4:35

Yimme ki u tun ki turi a lin wanni nan u kɔɔe tee Yennu, ki sɔɔ ji ki be ki tee nan ŋɔɔ na.

Sennu 7:9

Ii mi man nan i Yomdaanɔ Yennu kɔɔe tee Yennu, ki tee barmɔnii daanɔ, ki dia u mɔlor nan u ninbatinu ki teen binba loonɔ mɔtana, nan yaaboona nba saa wei tusir.

Hiibru teeb 1:12

ki fan pɔbimm nan baauŋ na, ki bin lebit nan chinchenn na. Ŋaan fin ŋarin tee yomme yoo kur, ki a manfoor na kaa gbennu.”

Fiitu 1:11

ki betin a n sɔb linba ki n laat na ki teen gbouŋ ni, ki nakin tur Masiaweira nba be digbana ŋanlore na ni, binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.

Fiitu 2:8

Ki wunba ki n lau na bia betin a n sɔb mɔmaan na ki tur u weira nba lakin be Simirna doo ni na malaka a: “Labaar na nyii wunba tee bont kura pinpiik nan li joontu na boore; ŋɔɔe din kpo ki tan bia fiir kuun ni na.

1 Samuel 2:6

Yennu-e kpi ki bia teen manfoor, u te ki niib saa kpeentiŋ, ki bia te ki bi jent bi manfoa ni.