Sennu 32:25 - Yennu Gbouŋ Mɔɔr

²⁵ Ki tɔbii saa faa ki kpi niib, doi sɔnjot ni; ki jaŋmaanii saa soor niib, ŋei ni. Naasimm nan sapaamm saa kpo; li sanpantii koo nikpera gbaa kan tenni.

Sennu 32:25 ပူးပေါင်းရင်းမြစ်များ

2 Kpanbara 7:5

Tɔn, laa piin bɔnnu yoo nba, ki bi saan Siria jab kaaŋ na ni, ŋaan baa baar leŋ na, ki bi ki la sɔɔ.

2 Barkperii 36:17

Li paak, Yennu din te Babilonn kpanbar lekib. Babilonn teeb din kpii Juda naasinpaauŋ, jiantu ŋasaakak na ni. U din ki mɔk ninbatinu nan bi sɔɔ, li nipaauŋ, koo nikpera, koo jɔɔ, koo poo, koo baatɔɔ, koo wunba mɔk laafia. Yennu din jii Juda teeb kur ki kubin Nebukanesar nuu ni.

Aisaya 30:16

I loon yin jak taanii nba kakiie, ki chiar bot i datai. I mɔk mɔnii. Nantaare tee linba ki i saa tun. I dukii nan i taanii mantik kakiie, ŋaan binba waai na kakii ki gariwa.

Jeremaya 44:7

“Li paak, min nba tee Israel teeb Yabint Daanɔ Yennu na boi-i linba te ki i tun bonbiir na booru ki tur i mɔŋ. I loon yin baar nan biiru, jab nan poob nan waas nan sanpantii paake, ki lin te ki i niib na daa tent amii-i?

Jeremaya 44:8

Bee ki i jiantir pata, ki mann maruŋ ki teen yenbis, Ijipt tiŋ nba ki i baar a yii be na ni, ki dont n wutoori? I tuun linba na a yin biir i mɔŋe, ki lin te durinya na digbann kuri laai, ki jii i sann ki teen mɔpori-i?

Jeremaya 9:21

Kuun tɔkin ti takorbonae, ki kɔɔ ti diit ni, ki bia baar ti kpanbara ŋei ni, ki kpi waas sɔnjot ni, ki kpi naasimm dai ni.

Fabinii 1:20

“Yennu, gotir n par nba be daamii ni ki tonin biaŋinba. N par biir bonchiann, n toonbiit paak. Nikpinu be sɔnjot ni, ki kuun be diit ni gbaa.

Fabinii 4:4

Ki bi te bi sanpantii kpenn kon nan nyunnyukuru; ki bi waas na mei jeet, ŋaan ki sɔɔ ki teemm.

Esekiel 7:15

Kunkɔna be sɔnjot ni, ki yiarii nan kon be ŋei ni. Ki wunba kar doo na kpiŋ, u saa kpo kunkɔnn na ni, ki wunba be doo na ni, yiarii nan kon saa kpiu.

Hosea 11:6

Tɔbii saa faa bi doi ni, ki faa jint bi doi gana. Li saa biir n niib, kimaan bi tuun linba ki bi loone.

Hosea 9:12

Ki i-i lekii mar waasi, ŋaan n saa jiibe ki yaat namm, ki kan nyik nan yenɔkɔɔwa ki u mɔk manfoori. Mi-i nyiki yoo nba, bonbilankante saa baari.”

Hosea 9:16

Israel teeb na tee nan tiik nba ki u jiina tuu koor, ki li ji ki loon lɔɔna nae. Bi ji kan mar waasi, bi-i lekii mari, ŋaan n saa kpi bi waloŋa maŋa.”

Liifai teeb 26:25

N saa te ki tɔbii n faai ki lin dat i tuba, kimaan i biir min nan yimm mɔlor nawa, ki yi-i taŋi saan doi ni a yin paaki, n saa te yiarkanbant n baa i paak, ki li saa mukisi ki yin jii i mɔŋ ki tur i datai.

Maika 6:14

I tuu saa di jeet, ŋaan i kan gboo; barmɔnii, i kpan sii ŋakitire. I tuu saa bekir bona, ŋaan li siar kii tee i yar; linba kur ki i bekir, ŋaan n tuu saa baar nan tɔbo ki biirir.

2 Korint teeb 7:5

Taa din baar Masedonia ti din ki fit foi. Ti din la mukisuk lokir kur po; niib din kɔn nant Yennu mɔmaan na paak; ki jaŋmaanii din be ti para ni,