Sennu 15:6 - Yennu Gbouŋ Mɔɔr

⁶ Yennu saa teen piisin i paak nan waa senn biaŋinba na, ki i tan sii kpentir likirii ki teen digbana bonchiann niib, ŋaan i tan kan saan ki kpent sɔɔ boori. I tan sii dia doi bonchiann ki ŋmakitirib, ŋaan dosau tan kii ŋmakitiri ni.

Sennu 15:6 ပူးပေါင်းရင်းမြစ်များ

1 Kpanbara 4:21

Solomonn yent din nyii Yufrates mɔkir ki saan tuu Filistia nan Ijipt teeb kpaar. U yent niib kur din pa lampo ki teen ŋɔɔe, ki tee u jiamm, u manfoor ni kur.

1 Kpanbara 4:24

Solomonn din dia tiŋ nba be Yufrates mɔkir yonbaa po na kure, laa nyii Tifsa doo ni ki saan yonbaa po ki saa baar Gasa doo. Batnba nba din be Yufrates mɔkir yonbaa po na kur din be u nuu nie. Ŋɔɔ nan digbana nba kook lint na kur din tee yɔɔse.

1 Barkperii 17:27

N boia maa a teen piisin n maaru paak, ki lin te ki bii tuun linba saa gboo a numm. Yabint Yennu, fine sat mɔb nan a piisin sii be n maaru paak mɔkmɔk nan mɔkmɔk.”

2 Barkperii 9:26

Ŋɔɔe din tee kpanbar jaann nba dia kpanbarleeb nba kur be Yufrates mɔkir po, ki saan dian Filistia nan Ijipt teeb kpaar.

Esra 4:20

Kpanbar jaana kar leŋa, ki bia dia yent kur nba be Yufrates mɔkir yonbaa po na, ki gaar lampo booru booruwa.

Nehemaya 9:27

Li paak ki a te ki bi datai nyannib, ki ji diab. Baa be wahala ni na, ki bi boia sommir po, ki a be sanpaapo ki gat turib. A ninbatinu nba yab na paak, ki a turib tɔɔndamm nba fatib bi datai boor.

Yaŋ 112:5

Parpeenn be daanɔ nba nuu yaa ki u kpentir bona ki teen niib, ki bia dia barmɔnii ki tuun u toona na paak.

Yaŋ 37:21

Nɔɔnbiit daanɔ kpentir, ŋaan ki ki pa jiint, niŋanɔ ŋarin teen nan u par kure.

Yaŋ 37:26

U tuu piine, ki bia kpentir ki teen u leeb yoo kur, ki u waas tee piisin ki turɔ.

Barjokit 22:7

Nandamm tee mɔkita daabae. Fi-i kpent likirii, a teen wunba kpenta na daabire na.

Barŋanii nba ki LUK din sɔb nae na 6:35

“Li paak, ii mɔk lomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, yaa daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan binba tee biitdamm na.

Sennu 15:5

Li-i tee ki i mɔk mɔsaku ki bia wei linba kur ki n wanti dinna na fanu,

Sennu 28:44

Ki bi sii mɔk likirii ki kpentir teeni, ŋaan ki yimm kii mɔk siar ki kpentir ki teemmi. Ki li joontu bi tan sii diai, ki i baakitib.