Sennu 10:21 - Yennu Gbouŋ Mɔɔr

²¹ Ii dont u sann, ŋɔɔe tee i Yennu. Ki i la nan i ninbina toonjaana nan yaarlituk bona nba ki u tun ki turi.

Sennu 10:21 ပူးပေါင်းရင်းမြစ်များ

2 Samuel 7:23

Digbansiar ki be tingbouŋ na ni, ki tee nan Israel teeb nba ki a nyinnib yommisin ni, ki teemm a tiɔŋ niib na. Toonjaana nan bakitnauŋ toona nba ki a tun ki turib na mɔɔnt a sann ki gbenn durinya na kur powa. A niib nba ki a fat nyinnib Ijipt tiŋ ni, a bii tee a yab na nba kɔɔ digbanlia tiŋ ni yoo nba, ki a ber nyinn digbanlia maŋ niib nan bi tingbana.

Yaŋ 109:1

Yennu, n dontira; a daa ŋmini.

Yaŋ 145:6

Niib saa pak a toonjaana po, ki man mɔɔnt a yabint po.

Yaŋ 148:14

U te ki u digbann na mɔk paŋ ki li te u niib kur dontirɔe, Israel niib nba ki u loomm bonchiann na. Pakin Yennu man.

Yaŋ 22:3

ŋaan fine kar a naangbouŋ paak ki tee kasii, ki Israel teeb dontira.

Nyinu 15:2

Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Nyinu 34:10

Ki Yennu yet Moses a, “N yaa man lor mɔlore nan Israel teeb. Bi numm nie ki n saa tun toonjaana nba ki n daa ki ban tun ki tur boorsiar durinya na ni. Niib nba kɔɔ kpiai na saa la nan bi ninbina, toonjaana nba ki min Yennu saa tun, kimaan n yaa man tun yaarlituk toonae ki turi.

Aisaya 60:19

“Yonnu kaa ji sii tee a yentu, daar ni, ki ŋmaarik mun kii tee a yentu, nyiɔku. Min Yennu-e sii yɔɔ tee a yentu yaayoo siiyoo. N baakir yentu na sii yeen a paak,

Aisaya 64:3

Yosau din be ki a baar ki tun yanputuk toona nba ki ti bo ki daan; kunkona din la-a, ki jaŋmaanii jekibe.

Jeremaya 17:14

Yennu, tebimin, ki n saa la laafia fanu; tintin, ki n sii be n yamani fanu. N dontir fine.

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

Joosua 24:18

Taa chari kɔɔ tiŋ na ni, Yennu-e ber nyinn Amor teeb kur nba tuu kar tiŋ na ni. Li paak, ti mun saa jiant Yennu-e, kimaan ŋɔɔe tee ti Yomdaanɔ.”

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.

1 Samuel 12:24

Ii mɔk mɔsaku nan Yennu, kii tuun u toonn nan barmɔnii nan i para kur. Ii tiar toonjaana nba ki u tun ki turi na po.