Sennu 10:18 - Yennu Gbouŋ Mɔɔr

¹⁸ U te ki kpeebii nan pakɔi laat bi barmɔnii, ki loon boorganii nba kɔɔ nant na, ki teemm jeet nan liant.

Sennu 10:18 ပူးပေါင်းရင်းမြစ်များ

2 Barkperii 19:7

Ii baakit Yennu kii tuun fanu, kimaan ti Yomdaanɔ Yennu ki loon yii ŋmaab, koo kii mɔk lukitin, koo kii gaan mɔnyati.”

Yaŋ 10:18

A saa gbiint kpeebii nan binba be mabir ni na mɔniiwa. A saa bu ki sommiba, ki nisaarii nba baat nan kpikpiruk na ji kan baar nan kpikpiruku.

Yaŋ 103:6

Yennu-e bu ki sommit binba be mukir ni na, ki teemm mɔnii.

Yaŋ 145:9

U ŋane ki tur sɔɔ kur, ki mɔk ninkpabauŋ u naamii kur paak.

Yaŋ 146:9

Yennu-e guu saamm nba be ti tiŋ na ni, ŋɔɔe sommit pakɔi nan kpeebii, ŋaan biir biit damm na lora.

Yaŋ 68:5

Yennu nba be u kasii ŋasaakak ni na, u baka be kpeebii nan pakɔi po, ki u goriib.

Yaŋ 68:6

U teen binba ki mɔk kunkɔɔ boor na ŋei, ki bi kɔɔ, ki nyint dansarkɔɔra, ki bi be nan parpeenn, ŋaan binba tee mɔyêtdamm na sii kɔɔ tiŋ nba saat nie.

Nyinu 22:20

“Wunba kur mann maruŋ ki tur yenbik, ki li ki tee min Yennu, yin kpiu.

Nyinu 22:21

“I daa dint boorganu biak, koo ki diau diabiiuku. Ii tiar nan yimm Israel teeb mun din tee boorganue, Ijipt tiŋ ni.

Nyinu 22:22

I daa dint pakɔɔk koo kpeebik biaki.

Nyinu 22:23

Yi-i tun nna, ki bi mɔ ki yiinin ki loon sommir, min Yennu saa turib gatu,

Aisaya 1:17

ŋaan tumii toonŋana tumu. Ii tuun ŋant, ki somm binba be mukisuk ni, ki tur kpeebii bi mɔnii, ki bia kɔn pakɔi paak.”

Jeremaya 49:11

Nyikin i kpeebii n boor man, ki n saa gotib. I pakɔi sii fit maa n paak.

Hosea 14:3

Asiria teeb kan fit tinniti, ki tɔb taanii kan fit guuriti. Ti ji kan ban yet tingbana na nan ŋamme tee ti Yomdaanɔ. Yennu, fine mɔk ninbatinu ki teen binba ki mɔk sɔɔ ki saa boi sommir po na.”

Liifai teeb 25:35

“Li-i tee ki i lɔɔ Israel nirɔ kɔɔ ki kpia-i, ki talas kɔɔu, ki u kan fit somm u mɔŋi, yin sommɔ nan yaa bo saa somm boorganu nirɔ koo saamɔ biaŋinba na, ki lin te wun fit kii be nani.

Nikant 10:32

Li-i tee ki a wei ki saan nanti, timm nan fine saa biit bonŋana nba kur ki Yennu saa turit.”

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”

Sennu 27:19

“ ‘Yennu mɔtont-ii be daanɔ nba ŋmab boorganii, koo kpeebii, koo pakɔi, bi mɔnii ni paak.’ “Ki niib na kur saa jiin a, ‘Lii tee nna.’