Sekaria 9:9 - Yennu Gbouŋ Mɔɔr

⁹ Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Sekaria 9:9 ပူးပေါင်းရင်းမြစ်များ

1 Kpanbara 1:38

Ki Sadok nan Natann nan Benaya nan kpanbar guuteeb na jii Solomonn, ki kaanɔ kpanbar bontaamm na paak, ki saan nanɔ Gihonn nyuntonn na boor.

Yaŋ 149:2

Israel teeb, ii mɔk parpeenn man, kimaan i naamii daanɔ paak. Sayɔnn teeb, ii kpamm man, kimaan i Kpanbar maŋ paak.

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Yaŋ 45:1

Mɔbonŋanae gbee n yur, ki n yin yaŋ na ki tur kpanbar, ki li tee nan sɔbtɔŋanɔ sɔbinii na. Ki n lamm teen siir nan lin yin.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 30:6

Yennu mɔmaame na ki jiin bonkobit nba be diitu po kunkoouk paak na a: “Taatara somm ki gaar daŋ tiŋ ni, siaminba ki yanbɔra be, ki wai nba mɔk lɔbii nan waabiit nba yuuk be leŋ na. Bi tuu jinn bi bonii nan laagumiinba bona nba daauk paar, a bin tur digbann nba kan fit sommibi.

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Aisaya 40:9

Jerusalem teeb, ii do jɔfoouk paak ki saa mɔɔnt barŋanii na. Sayɔnn teeb, yiint nan kunkɔsaakar, ki mɔɔnt barŋanii na. Pakin, ki daa tiin jaŋmaanii. Betir Juda doi na, a bi Yennu baat.

Aisaya 43:11

“Min kuukɔɔe tee Yennu, min kɔɔe saa fit tinni.

Aisaya 43:3

Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Aisaya 52:7

Li fan bonchiann nan ki a la toomii ki u nyii kunkona paak, ki baat nan labamann, ki li tee parmaasir barŋanii. U mɔɔntir nyannue ki piak Sayɔnn a, “A Yennu-e tee kpanbar.”

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 62:11

nan Yennu mɔɔntir teen tingbouŋ kure a, “Pakin Jerusalem teeb a, ‘Yennu baat a wun tinni, ki tɔk nan niib nba ki u tinnib na.’ ”

Jeremaya 30:9

Ki bi sii jiantir min nba tee bi Yomdaanɔ Yennu na nan Defid yaaboonn nba ki n saa gann ki dinnɔ naan nae.

Esekiel 21:32

Ki i tiɔŋ tiŋ ni, ki bi saa jooi muu, ki yin kpo. Ki i ji saa biar ki dɔɔ tiŋ ni, ki bi saa tamm i po, ki saa tuu yoo nba kaa paak. Min Yennu-e pak na.’ ”

Hosea 1:7

Ŋaan Juda teeb ŋarin, n sii mɔk lomm namm. Min, bi Yomdaanɔ Yennu, saa tinniba, ŋaan n kan tinnib tɔb ni kaa, koo ki jii jukbanjiak, koo tɔrbana nan peenii kaa, koo ki jii taanii nan taanjakira kaa, ki tinnibi.

Maika 4:8

Jerusalem, fin ŋarin tee siaminba ki Yennu be-e, ki tee nan pekpaarik na ki gorii u niib, a tan saa ŋamm teen digbangbeŋir, naan yent nba tuu tee a yar na ni.

Maika 5:2

Yennu yet a, “Betlehem Efrata, a tee digbanbis nba be Juda yiar na ni yenne, ŋaan a niŋe ki n saa nyinn kpanbar, ki u saa dia Israel teeb, ki tee wunba ki u naakuuk bo be yaayoo niwa.”

Sekaria 2:10

Yennu yet a, “Ii yiin yanii nan parpeenn man, Jerusalem teeb. N baate a mii be i boor ni.”

Matiu 1:21

U tan saa mar bonjake, ki a saa purɔ Yiisa, kimaan u tan saa nyinn u niib bi biit ni.”

Matiu 11:29

Ii sak n weiu man, kii tumii n wannu, ki i saa la foon, kimaan n tee sikin-n-mɔŋ daanɔe, ki n par mei.

Matiu 2:2

“Juu teeb kpanbar saakɔɔ nba ki bi marɔ na, u be lee? Ti daan la u ŋmaabire yondopo ki baar a ti tan jiantɔ.”

Barŋanii nba ki MAK din sɔb nae na 11:7

Baa din baar nan boŋ maŋ Yiisa boor yoo nba, ki bi jii bi tiat ki paan boŋ maŋ bɔɔnn paak, ki Yiisa jak.

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ ni na kur paak, ki piin Moses sɔbu ni ki saan tuu Yennu sɔkiniinba kura sɔbu ni.

Jɔɔnn 1:49

Ki Natanael yetɔ a, “Wanntɔɔ, a tee Yennu Bijae, ki bia tee Israel teeb kpanbar.”

Jɔɔnn 19:15

Ki bi yakii ki yaa, “Kpimɔ! Kpimɔ! Kpaamɔ dapunpunn paak.” Ki Pailat boib a, “I kpanbar ki i loon ki n kpaau dapunpunn paaki-i?” Ki mannteeb yudamm na jiin a, “Ti ki mɔk kpanbarsɔɔ see kpanbar yudaanɔ Siisa kuukɔɔ.”

Barbuura 10:4

U din mɔk bonjai piintaa, ki bi tuu jakit bonii piintaa. Bi din mɔk doi piintaa, Gilead tiŋ ni, ki bi daa yir Jair doi nan dinna.