Sekaria 9:16 - Yennu Gbouŋ Mɔɔr

¹⁶ Li daar-i baar, Yennu saa tinn u niib nan pekpaarik nba tuu nyinn u pei ninbɔŋ ni biaŋinba nae. Bi sii nyirii u tiŋ ni nan tanbinyinyira nba tuu be naan fokirik paak nae.

Sekaria 9:16 ပူးပေါင်းရင်းမြစ်များ

Yaŋ 100:3

Ii bann nan Yennu-e tee barmɔnii Yennu. Ŋɔɔe nant, ki ti tee u niib. Ti tee u niibe, u tiɔŋ niib.

Nyinu 28:21

Tanbinyinyira na sii tee piik nan ŋanlee-e, ki see Jakɔb bonjai piik nan banlee na paak, ki Israel booru piik nan ŋanlee na sana yenn yenn-ii be tann kur paak.

Nyinu 28:9

Jiin tannyinyira nba daauk paar na ŋanlee, ki sɔb Jakɔb bonjai na sana,

Aisaya 40:10

Yabint Yennu baat a wun dia durinya na nan yiikoo. U baat ki dia niib nba ki u tinnib na.

Aisaya 54:12

N saa jii tana nba mɔn, ki li daauk paar na, ki maa a ditɔɔtii, ki jii tana nba nyirii nan muu na, ki maa a tammɔi, ki jii tanbinyinyirlia nba ki li daauk paar na ki maa joonjouk nba saa linta.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Aisaya 60:3

Digbana saa baar a yentu na ni, ki kpanbara saa baar a dapaann yentu na ni.

Aisaya 62:3

A sii tee nan naan fokirik nba fan biaŋinba nae ki tur Yennu.

Jeremaya 23:3

N saa taan n niib nba biar na, ki nyi namm digbana nba ki n din yatib na ni, ki jen namm bi dantiŋ ni. Bi saa pɔt pukin, ki sii yab bonchiann.

Jeremaya 31:10

Ki Yennu yet a, “Digbana, gbiintir ki turin, ki mɔɔnt n maan banfɔka mɔkgbiant. N yat n niiba, ŋaan n saa tikiribe kii guub, nan pekpaarik nba tuu guu u pei na.

Jeremaya 31:11

N nyinn Israel teebe ki tinnib digbanpaarir nuu ni.

Esekiel 34:11

“Min Yabint Yennu-e beeri nan n mɔŋe sii gorii n pei, ki dintib.

Esekiel 34:12

Pekpaarik nba tuu gorii u pei nba tuu yat, ki wun tikirib ki jen namm biaŋinba na, nnae ki n saa tikir n niib ki bin nyi siaminba kur ki bi bo yat dabiir daar na, ki jen namm.

Esekiel 34:31

“Yimme tee n pei, ki tee binba ki n dintib, ki i tee n niib. Mine tee i Yennu. Min Yabint Yennu-e pak na.”

Maika 5:4

U-u taŋi baar, u saa dia u niib nan paŋ nba saa nyi Yennu boore, nan yiikoo nba tee ŋɔɔ Yabint Yennu tiɔŋ yar. U niib tan sii be nan laafia, kimaan durinya na kur niib tan saa bann u yabint nba tee,

Maika 7:14

Yennu, i tee nan pekpaarik na, kii gorii a niib, niib nba ki a gannib na. Baa lek bɔkit ki kɔɔ kunkoouk paak na, ŋaan tinkpiasir be ki lintiba. Ŋaant ki bin saan kii di Basann nan Gilead tinkpiasir na ni, nan baa din tuu di sianyoo biaŋinba na.

Sefania 3:20

Yoo baate, ki n saa kpen nan i niib nba yat na, ki turi sangbeŋir, durinya na lokir kur po, ki yaan te yin mɔkit.” Yennu-e pak na.

Hagai 2:23

Li daar maŋ, n saa jii fin, n toontunnɔ Serubabel, ki teena n niib diatɔɔ, ki a sii diab n sann ni. Fine tee daanɔ nba ki n gann.” Yabint Yennu-e pak na.

Sekaria 10:6

“N saa te ki Juda teeb-ii mɔk paŋ. N saa fat Israel teeb na. N sii mɔk ninbatinu bi paak, ki jen kpen namm, ki bi sii tee nan n ki mi yêtib na. Mine tee bi Yomdaanɔ Yennu; n saa gat bi miaruwa.

Sekaria 8:23

Daa maŋ ni, nigamm piik tan saa baar Juu nirɔ boor, ki yet a, ‘Ti loon ki timm nan fine n libin kii be, kimaan ti gbat a Yennu be nana.’ ”

Barŋanii nba ki LUK din sɔb nae na 12:32

“Yimm n niib nba ki yab na, i daa tiin jaŋmaanii, kimaan i Baa Yennu-e yaa wun dinni naan, ki bia mɔk parpeenn nan waa saa dinni na paak.

Jɔɔnn 10:27

N pei saak n mɔb, ki n mib, ki bi waan,