Sekaria 14:2 - Yennu Gbouŋ Mɔɔr

² Yennu saa taan booru kur ki bin faa Jerusalem tɔb. Bi saa nyann doo na ki nyinn faar nba be ŋei na ni, ki fat poob na ki dɔɔ namm. Bi saa saan nan niib na bɔkir digbangana, ŋaan ki bɔkleer na n biar doo na ni.

Sekaria 14:2 ပူးပေါင်းရင်းမြစ်များ

Aisaya 13:16

Bi saa mat bi waas bi numm ni, ki fat bi faar, ki bia mia bi poob ki dɔɔ namm.”

Aisaya 4:3

Wunba kur biar Jerusalem, ki Yennu gannɔ ki u foor na, bi sii yiu kasiie.

Aisaya 5:26

Yennu tur nyinne a wun yiin digbann nba be banfɔkir, ki foon yiin binba be banfɔka na a bin baar, ki bi baat yian yiama.

Aisaya 65:18

Ii mɔk parpeenn kii kpamm, linba ki n nan na paak yaayoo siiyoo. Jerusalem paann nba ki n naan na saa gbee nan kpinkpammuko, ki u niib sii mɔk parpeenn.

Jeremaya 21:4

a bin pak Sedekaya, nan Israel Yomdaanɔ Yennu yet a, “Sedekaya, n yaa man nyann a jab nba kɔn nan Babilonn kpanbar nan u jab nae. N saa taan a jab na jatiat ki poonir doo na sinsuuk ni.

Jeremaya 34:1

Ki Yennu pak nan min Jeremaya, yoo nba ki Babilonia kpanbar Nebukanesar nan u jab, nan jab nba din tee u sommteeb ki nyii digbana kur po, nan booru kur nba tee u jiamm na din lek Jerusalem nan li digbanbis na.

Fabinii 1:10

Ki datai na fat u mɔkint kur. Ki u la ki bi kɔɔ Yenjiantu ŋasaakak na ni tiɔŋ, siaminba ki Yennu ki saak binba ki waau kɔɔ na.

Esekiel 5:8

Li paak, min Yabint Yennu-e beeri nan n tee i dataake. N saa bu i buut ki dat i tuba, ki li sii tee siaminba ki digbana kur saa la.

Joel 3:2

N tan saa taan tingbouŋ na ŋaateeb kur ki baar namm Buut Baauk ni. Leŋe ki n saa bu bi buut nan baa tun linba kur ki tur n niib. Bi te ki Israel teeb na yat kɔɔ digbangana ni, ki bia biit Israel tiŋ nba tee n yar na.

Joel 3:9

“Turin mɔɔntii na digbana kur ni a, ‘Teent siir nan tɔb man, yiint i kunkɔnkɔnna, ki taan bi kur ki somm namm.

Amos 7:17

Li paak, Amasia, Yennu beera a, ‘A ŋaapoo sii tee bonchonchonne ki be doo ni, ki bi saa kpi a waas tɔbii ni, ki bia saa jii a tiŋ na ki biit siab, ŋaan ki a mɔŋ saa kpo binba ki jiantir Yennu na tiŋ ni. Ki bi tan saa soor Israel teeb na bi tiŋ ni, ki yaat saan namm tingaŋ ni.’ ”

Sekaria 12:2

“N saa te ki Jerusalem-ii tee nan daan nae, ki booru nba kpiau na saa nyu, kii taŋii tee nan jab nba tuu yib na. Ki bi-i lek Jerusalem yoo nba, bi bia saa lek Juda digbana nba tenn na.

Sekaria 12:3

Ŋaan li yoo-i baar, n saa te ki Jerusalem-ii kpai nan tann nae, ki booru nba bikin a wun wokitɔ saa la daŋ. Durinya kur saa taan bi kunkɔnkɔnna ki lekɔ.

Sekaria 12:9

Ki n saa boont booru kur nba tan bikin a bin lek Jerusalem.

Matiu 22:7

Ŋanne ki bat na wutoor doo bonchiann; ki u tun u kunkɔnkɔnna, ki bi saan ki saa kpii nikpiira maŋ, ŋaan joo bi doo muu.

Barŋanii nba ki MAK din sɔb nae na 13:14

“I tan saa la ki bonbiir see laa bo ki ŋan nan lii see siaminba.” (Wunba tan karin sɔbu na, wun bann laa want linba.) “Li yoo maŋ, binba tan be Judea yent ni, bin chiar ki do kunkona.

Barŋanii nba ki MAK din sɔb nae na 13:19

kimaan Yennu nba din nan durinya na pinpiik niwa ki tan tuu mɔtana, sɔɔ daa ki mi la biak ki li bi ki baar biak nba tan sii be daa maŋ ni na. Ki biaksiar mun ji kan mi baar nan ŋann na.

Barŋanii nba ki LUK din sɔb nae na 2:1

Li yoo na ki kpanbara yudaanɔ Ɔgustus tur mɔb u yent ni a bin sɔb sɔɔ kur sann nikant ni.