Sekaria 12:8 - Yennu Gbouŋ Mɔɔr

⁸ Li yoo, min Yennu saa guur binba be Jerusalem na, ki binba ki mɔk paŋ na, ŋaan n saa te ki bi mɔk paŋ nan Defid nba din mɔk na. Defid yaaboonae tan sii tee niib na tɔɔndamm, ki ŋmakitirib nan min Yennu malaka, koo min Yennu mɔŋe ŋmakitirib na.

Sekaria 12:8 ပူးပေါင်းရင်းမြစ်များ

Yaŋ 8:5

A din te ki u pɔ waan malakanba boor, ki bia te ki u la dontir nan paku.

Yaŋ 82:6

Ki min Yennu yet a, ‘I tee barbuurae, i kur tee Yennu waase,’

Nyinu 14:19

Ki Yennu malaka nba gar Israel teeb lanjimanba tɔɔnn na seet ki ŋmat bi poor, ki sanpagbouŋ na seet tee-e nan waa tan set

Nyinu 33:2

N saa te ki n malaka n liit i tɔɔnn, ki ber Keenann teeb nan Amor teeb nan Hef teeb nan Peris teeb nan Hif teeb nan Jebus teeb na.

Aisaya 30:26

Ŋmaarik sii yeen nan yonnu nae, ki yonnu yentu saa ŋamm pukin taar munlore, ki li yeeuŋ sii tee nan daa ŋanlore nba saa taan ki yent dayenn kɔɔ ni na. Linba na kur tan saa tun, yoo nba ki Yennu saa lor u niib fiat nba ki u turib na a lin buur nae.

Aisaya 31:4

Ki Yennu pakin a, “Pekpaarii-i lekii yikin ki hoot biaŋinba, ŋaan bi kan fit ber yanbɔr, bonkobuk nba ki u kpiiu na boori; nnae mun, ki siar kaa ki saa gɔɔr min Yabint daanɔ Yennu, ki n kan guur Sayɔnn kunkonni.

Aisaya 33:24

Wunba kur be ti tiŋ na ni kan ban yet a u yiar, ki bi biit kur saa la nyikinchab.

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 53:3

Ti din yisimɔe ki yêtɔ, ki u gubin gaar biak nan tont, sɔɔ din ki loon wun gotɔ. Ki ti yêtɔ, ki li naan nan u ki tee siar na.

Aisaya 63:9

bi biak dinu kur ni. Li din ki tee malaka kaa, ŋaan Yennu tiɔŋo din tinn u niib. U lomm nan u ninkpabauŋ paak ki u nyinnib. Yoo nba gar, u yɔɔ goriib,

Jeremaya 27:10

Bi kpannie, ki saa te siab n jii-i, ki yaat saan nani digbann nba fɔk nan i digbana bonchiann. N saa ber nyinniwa, ki bi saa biiri.

Hosea 1:7

Ŋaan Juda teeb ŋarin, n sii mɔk lomm namm. Min, bi Yomdaanɔ Yennu, saa tinniba, ŋaan n kan tinnib tɔb ni kaa, koo ki jii jukbanjiak, koo tɔrbana nan peenii kaa, koo ki jii taanii nan taanjakira kaa, ki tinnibi.

Hosea 12:3

Bi yeeja Jakɔb nba din be u naa poor ni yoo nba na, ki u soor u jaak lɔɔ Esɔɔ taagbinn. Waa tan teen jɔɔ yoo nba, ki u gbaa nan Yennu,

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Joel 3:10

Faan i kumɔi ki teen jukbanjai, ki faa i jukii ki kpantir kpana, ki te i nibutimii gbaa n kɔn.

Liifai teeb 26:8

Ki i jab banŋmu saa fit kɔn nyann i datai kobik, ki i jab kobik saa fit kɔn ki nyann i datai tusaa piik.

Maika 5:8

Ki Israel teeb nba tenn ki be digbangana ni na, tan sii tee nan yanbɔr nba tuu gɔrin ki loon jeet fɔɔr ni na, ki tuu tan dɔkit pei paak, ki baa bi paak, ki patib burii burii, ki bi ji ki mɔk dindann tinnu po nae.

Maika 7:16

Ki digbana na saa la ki di fei, ki kii mɔk paŋ. Ki jaŋmaanii saa soorib, ki bin pii bi mɔi, ki bia pii bi tuba,

Maika 7:8

Ti datai, i daa kpamm ti biiru paaki. Ti baawa, ŋaan ti bia saa fiira. Mɔtana ti be bunbɔnn nie, ŋaan Yennu saa turit yentuwa.

Sekaria 10:7

Israel teeb na sii mɔk paŋ nan kunkɔnkɔnna nae, ki mɔk parpeenn nan jab nba tuu nyu daan na. Bi yaaboona tan saa tiar nyannu nba na po, ki mɔk parpeenn, kimaan linba ki Yennu tun na paak.

Sekaria 2:5

Yennu senn mɔsonn nan u mɔŋe sii tee muu joonn, ki lint doo na, ki guurir, kii sii be leŋ nan u yentsaakar.”

Sekaria 9:14

Yennu saa dɔkit ki be u niib yur paak. U saa tɔ u peenii nan sanyikintii nae. Yabint Daanɔ Yennu saa peb naatunn, ki sii be wonpaaruk nba saa nyi niidiitu po ki baar na ni.

Sekaria 9:8

N saa guur n tiŋ na, ki datai kan gar leŋi. N ji kan sak ki niyoona-ii mukis n niibi. N la n niib nba dii biak biaŋinbawa.”

Malakai 3:1

Ki Yabint Yennu na jiin a, “N saa tun n toomu ki wun ŋamm sɔnu na ki turin. Tɔn, ki Yennu nba ki i guu-u na saa baar yiama, u Ŋasaakak na ni. Toomu nba ki i gorii u sɔnu po na saa baar ki tan wanni n mɔlor na.”

Matiu 1:23

“Sapaanmunn tan saa soor poor ki mar bonjak, ki bi saa purɔ Imanuel.” Li paak tee a “Yennu be nant.”

Rom Teeb 9:5

Bi yeejamm din tee nijaanae, ki Masia nba din kpant nisaarik yoo nba na, ki u teen bi booru ni yenɔ. Yennu nba yen bont kur na n la paku nba ki mɔk gbennu. Mamɔmm.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru booru, ki bi teenɔ yada tingbouŋ na ni, ki Yennu tan donnɔ sanpaapo ki u la dontir.

Hiibru teeb 11:34

ki siab mun kpeen muchiɔŋ, ki siab tin nyii jukbanjai kuun ni. Ki siab mun tee tariie ŋaan din tan kpant paarib, ki siab mun took tɔbii nan paŋ ki te ki boorganu lanjimanba chiar.

Joosua 23:10

I yenɔkɔɔ saa fit te ki jab tusir n chiara, kimaan i Yomdaanɔ Yennu-e kɔn teeni, nan waa senn mɔsonn biaŋinba na.

Fiitu 22:13

Mine tee Alfa nan Omega, sinsinn nan joontu, pinpiik nan gbennu.”

Fiitu 22:16

“Min Yiisa-e tun n malaka, a wun tan fiit maan na ki tur n weira. Mine tee Defid yaaboonn, ki bia tee sanyafaar ŋmaajar nba nyɔkit na.”