Sekaria 12:11 - Yennu Gbouŋ Mɔɔr

¹¹ Parbiir nan fabinii nba tan sii be Jerusalem li daar maŋ sii yab nan baa din fabin Hadad Rimonn paak, Megido baauk ni biaŋinba nae.

Sekaria 12:11 ပူးပေါင်းရင်းမြစ်များ

2 Kpanbara 23:29

Yoo nba ki Josaya din tee kpanbar na, Ijipt kpanbar Neko din jii u kunkɔnkɔnna, ki bi saan Yufrates mɔkir boor a bin somm Asiria kpanbar. Kpanbar Josaya din yabir a wun gɔɔr Ijipt kunkɔnkɔnna na Megido, ŋaan ki bi kpiiu tɔb na ni.

2 Barkperii 35:22

Josaya din yêt nan wun nyik, ki ki gbiint maan nba ki Yennu te Neko pak nanɔ na, ŋaan lebit u mɔŋ, ki saan Megido paanu ni a wun kɔn nan Neko.

2 Barkperii 35:24

Ki bi wokitɔ u taantoruk ni, ki kɔɔnɔ u taantorleer nba be leŋ na, ki saan nanɔ Jerusalem. Leŋe ki u saa kpo, ki bi piiu kpanbara kaat ni. Ki Juda nan Jerusalem teeb kur bui fabin u kuun po.

Sekaria 12:12

Ŋaak kur nba be tiŋ na ni tan saa fabin li yur po fabinii: ŋaak nba nyii Defid booru ni, nan ŋaak nba nyii Natann booru ni, nan ŋaak nba nyii Liifai booru ni, nan ŋaak nba nyii Simei booru ni, nan ŋei nba biar na. Ŋaak kur sii mɔk li yur po fabinii, ki jab nba be ŋei maŋ ni na sii fabin bi kuukɔɔ, ki poob mun fabin bi kuukɔɔ.”

Matiu 24:30

Li yoo maŋ, niib tan saa la min nisaarik Bik jenu nyinn sanpaapo, ki nibooru booru nba be tingbouŋ na ni kur tan sii fabin, ki la min nisaarik Bik, ki n be sanpagbouŋ ni, ki siik nan paŋ nan yentsaakar.

Fiitu 1:7

Gotir man, u sii be sanpagbant ni ki baar. Sɔɔ kur ninbina tan saa lau, nan binba din ŋmu-u na gbaa. Yoo nba ki u sii baat na, tingbouŋ na niib kur saa bui u paak. Mamɔmm, li saa teen nnawa.

Fiitu 16:16

Ki narinbiit na tikir kpanbara na, ki saan namm siaminba ki Israel teeb yi Amagedonn na.