Sekaria 10:11 - Yennu Gbouŋ Mɔɔr

¹¹ Yoo nba ki bi be bi daamii mɔkir ni na, min Yennu saa soor li nyunjiinu na, ki Nail nyun sunsuŋ na saa fɔɔr. Asiria teeb karinbaanii na saa maak, ki Ijipt teeb paŋ na saa gbenn.

Sekaria 10:11 ပူးပေါင်းရင်းမြစ်များ

Pinpiik 8:1

Yennu din ki tamm Nowa nan bonkobit nba kur be ŋaruŋ ni na po, ki din te ki wouŋ da tingbouŋ na paak, ki nyun na fɔɔr,

2 Kpanbara 2:14

ki jii Elaija liatfoouk na ki faa nyun na, ŋaan yet a, “Elaija Yomdaanɔ Yennu na be lia?” ŋaan ŋamm faa nyun na, ki li bɔkit, ki u somm ki poot.

2 Kpanbara 2:8

Ki Elaija liat u liatfoouk ki pɔbinir, ŋaan jiir ki faa nyun na, ki nyun na bɔkit, ki ŋɔɔ nan Elaisa somm tinkooŋ paak ki poot.

Esra 6:22

Bi din jii daa ŋanlore-e ki dii boroboro nba kaa datiŋ na jaamm nan parpeenn. Bi din mɔk kpinkpammuk nan Yennu nba te ki Asiria kpanbar chekintib ki fit sommib ki bi maa ŋamm Israel teeb Yenjiantu ŋasaakak na.

Yaŋ 114:3

Ki Mɔkmuŋ na jiant got ŋaan gbab, ki Jɔɔdann mɔkir jit, ki ji ki puub.

Yaŋ 114:5

Mɔkgbeŋir, bee teen ki a gbabi? Ki fin Jɔɔdann mɔkir muni, bee teen ki a jit ki ji ki puubi?

Aisaya 14:25

N saa biir Asiria teeb nba be n tiŋ ni na, ki mobit bi paak, n kunkona paak. N saa nyinn n niib Asiria teeb yɔkit nan jika nba ki bi jii na ni.

Aisaya 19:16

Yoo baat ki Ijipt teeb tan sii tee butimm nan poob na. Jaŋmaanii tan saa lub, yoo nba ki bi la nan Yabint Yennu tant nuu a wun dat bi tuba na.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Aisaya 44:27

N din yet mɔbonne, ki mɔkgbeŋir fɔɔr.

Aisaya 51:10

Fine bia din te ki mɔkgbeŋir fɔɔr, ki faa sɔnu mɔkgbeŋir maŋ ni, a binba ki a tinnib na n fit poot.

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Esekiel 30:13

Ki Yabint Yennu yeen a, “N saa biir pata nan yenbis nba be Memfis doo ni na, ki sɔɔ tan kii be ki saa dia Ijipt, ki n tan saa kɔɔn niib na kur jaŋmaanii.

Sefania 2:13

Yennu saa jii u yiikoo ki biir Asiria teeb. U saa te ki Ninefe doo n teen langbent nba kaa nyun.

Fiitu 16:12

Ki malaka nba pukin banloob na mun kpaar linba be u seŋ ni na, ki mɔɔn mɔkir nba ki bi yir Yufrates na ni, ki li nyun na fɔɔr ki bir sɔnjouk, a kpanbara nba be yondopo na n poot.