Sekaria 10:10 - Yennu Gbouŋ Mɔɔr

¹⁰ N saa nyi nan n niib Ijipt nan Asiria, ki jen kpen namm ki kaamm bi mɔŋ tiŋ ni, ki bia kaanib Gilead nan Lebanonn, ki tiŋ maŋ kur po saa gbee nan niib.

Sekaria 10:10 ပူးပေါင်းရင်းမြစ်များ

Aisaya 60:22

A ŋabik nba tee sikin-n-mɔŋ ŋaak na saa la paŋ, ki tee nan digbanjaann na. Li yoo-i baar, n saa te ki linba na n tume yiama. Mine tee Yennu.”

Jeremaya 22:6

“N boor ni, Juda naan ŋaak na fan nan Gilead tiŋ koo Lebanonn jɔjaana nae, ŋaan n saa teenir tin-yann nba ki sɔɔ kan kar leŋe.

Jeremaya 50:19

N saa jiin Israel teeb bi tiŋ niwa. Bi saa di jeet nba pia Kamel kunkonn paak nan Basann yent ni na, ki saa di linba kur ki bi loon, jeet nba kur pia Efraim nan Gilead yent ni na.

Hosea 11:10

“N niib sii waa n poore, yoo nba ki n mɔ nan yanbɔr na ki tookit bi datai. Bi saa nyi yonbaa po ki kakit baar n boor.

Hosea 11:11

Bi saa nyi Ijipt po, ki lian nan nɔɔnii na, ki nyi Asiria yent po nan lanjerii na. N bia saa te bin jen bi ŋei ni. Min Yennu-e pak na.”

Obadia 1:20

Ki Israel kunsɔntinna nba be Keenann tiŋ ni na saa kɔn nyann Fonisia ki saan niigaŋ po ki saa tuu Sarefaf, ki kunsɔntinna nba nyii Jerusalem ki be Saadis na saa fat Juda niidiitu po digbana.

Maika 7:14

Yennu, i tee nan pekpaarik na, kii gorii a niib, niib nba ki a gannib na. Baa lek bɔkit ki kɔɔ kunkoouk paak na, ŋaan tinkpiasir be ki lintiba. Ŋaant ki bin saan kii di Basann nan Gilead tinkpiasir na ni, nan baa din tuu di sianyoo biaŋinba na.

Sekaria 8:7

N saa fat n niib na, ki nyinnib bi datai nba saan namm siaminba kur,

Sekaria 8:8

ki nyi namm li yondo po, nan li yonbaa po, ki jen namm Jerusalem. Ki bi ji sii tee n niib, ki n mun tee bi Yennu, ki diab nan ŋant, nan popeensin.