Sefania 3:8 - Yennu Gbouŋ Mɔɔr

⁸ Yennu ŋamm yet a, “Ii tee soon; ii guu daar nba ki n tan saa pak biir digbana na. Li tee n lore nan man tikir digbana nan naan yent ki taamm, ki bin bann n wutoor nba mɔk paŋ biaŋinba. N wutoor nba tee nan muu na tan saa di ki boont tingbouŋ na kur.

Sefania 3:8 ပူးပေါင်းရင်းမြစ်များ

Yaŋ 12:5

Ŋaan Yennu yeen a, “N saa baar mɔtana, kimaan talas damm di biake, ki binba be mabir ni na kurii nan gbananyekitir. N saa turib yandɔɔnn binbeŋ nba ki bi tuu daan nawa.”

Yaŋ 123:2

Ti Yomdaanɔ Yennu, daabjak nba gaa u chanbaa paak biaŋinba, ki daabpook mun gaa u naa paak biaŋinba na; nnae ki ti mun maa a paak nan faa tan saa tinit ninbaauk yoo nba.

Yaŋ 27:14

Teent Yennu yada, cheen a par, kii wakii. Teent Yennu yada.

Yaŋ 37:34

Guut Yennu yoo, kii dia u sennu, ki u saa donna ki a yent tiŋ na, ki a tan saa la nɔɔnbiit damm biiru yoo.

Yaŋ 37:7

Teent sukuru ki guur Yennu ki wun tun. A daa te ki li daamiia binba tuun toonbiit, ki mɔkitir na paaki.

Yaŋ 62:1

N tee soonnae ki guu maa Yennu n tinnin, u niŋe ki n tinnu saa nyi.

Yaŋ 62:5

N maa Yennu kuukɔɔ paake, u niŋe ki n mɔk dindann.

Yaŋ 79:5

Yennu, a wutoor saa do ti paak ki lin wei nlee? A wutoor sii tun ki dite nan muu na-a?

Yaŋ 79:6

Ŋmantir a wutoor ki paan digbana nba ki jiantira na paak, niib nba ki meia na.

Barjokit 20:22

A daa tuun biit ki jiint binba tuma biit na. Teent Yennu yada ki wun ŋamm maan maŋ.

Yankpaŋii 8:6

A daa jikit a par ki teen sɔɔ, see min kuukɔɔ; a daa lor sɔɔ see min kuukɔɔ. Lomm mantik paar ki tee nan kuun nae; ki niɔŋ mɔk paŋ ki tee nan kuun mɔŋ nba tee biaŋinba na. Li tuu tan yit ki tee muyeruko, ki di nan muu nba tuu yabit ki di biaŋinba na.

Aisaya 14:26

N lore na ki jiin durinya po: n nuu tian ki saa dat nigbouŋ na tuba.”

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 34:2

Yennu wutoor doo digbana kur, nan li jab kur paaka. U biirib ki kɔɔmm biiru niwa.

Aisaya 63:6

N wutoor nie ki n ŋmaa digbanmuna ki matib. N kpaar bi manfoor sɔme ki mɔɔn.”

Jeremaya 10:25

Ŋaant ki a wutoor-ii be digbana nba ki jiantira na, nan niib nba yêta na paak. Bi kpii timm nba tee a niib nae, ki biirit fas, ki teen ti doi langbent.

Hosea 12:6

Li paak, yimm Jakɔb yaaboona, teent Yennu yada man, ki jen u boor. Ii mɔk lomm, kii tuun ŋant, kii guu Yennu nan sukuru ki wun sommi.

Joel 3:2

N tan saa taan tingbouŋ na ŋaateeb kur ki baar namm Buut Baauk ni. Leŋe ki n saa bu bi buut nan baa tun linba kur ki tur n niib. Bi te ki Israel teeb na yat kɔɔ digbangana ni, ki bia biit Israel tiŋ nba tee n yar na.

Maika 7:7

Ŋaan min sii gorii Yennu-e. N sii guu Yennu-e nan parcheenn; ŋɔɔe saa tinnin. Yennu saa gbat n miaruwa.

Habakuk 2:3

A ŋaan ki lii be sɔbinii ni, kimaan yoo daa ki jaŋ nan lin tun nna, ŋaan yoo baate yian yian, ki maa saa wanna linba na, li set saa tun nan barmɔniiwa. Li sii tee nan li taantire na, ŋaan guutir, li tan saa baara, li kan yukir nan baaru.

Sefania 1:18

Daar nba niŋ ki Yennu wutoor tan saa do na, bi salimpeena nan salimmɔna na gbaa tan kan fit tinnib. Ki u wutoor nba tee nan muu na tan saa di tingbouŋ na kur. U tan saa biir ki kpir boont wunba kur be tingbouŋ na paak.

Hagai 2:22

ki nyann boorganu naan yent kur, ki biir bi yiikoo. N saa biir taantorit nan li ŋmakit-teeb, ki taanii na saa kpo, ki taanjakira na saa kpi bi leeb.

Matiu 25:32

ki lakin tingbouŋ na nibooru kur n tɔɔnn, ki bɔkitib nan pekpaarik nba tuu bɔkit pei nan buunii biaŋinba na.

2 Piita 3:10

Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Fiitu 16:1

Li poorpoe ki n bia gbat ki kunkɔsaakar nyii Yenjiantu diiuk na ni, ki piak teen malakanba banlore na, a bin jii senii ŋanlore nba gbee nan Yennu wutoor na, ki kpaar mɔɔn tingbouŋ na paak.

Fiitu 16:14

Bi tee narinbiit nba tuun bakitnauŋ toonae, ki lin tingbouŋ na kpanbara kur boor, ki tikiib a bin took tɔb, ti Yomdaanɔ Yennu, wunba mɔk paŋ kur na dagbeŋir maŋ daar.