Sefania 3:2 - Yennu Gbouŋ Mɔɔr

² Bi ki gbiint, koo ki gaar Yennu kpaanii. Bi ki teen Yennu yada, koo ki boiɔ sommir po.

Sefania 3:2 ပူးပေါင်းရင်းမြစ်များ

Nehemaya 9:26

“Ŋaan a niib na din yêt a mɔbe, ki lin a poor. Bi din kpii a sɔkiniinba nba tuu teemm kpaanii na, binba beerib a bin ŋmat jen a boor na. A niib na tuu sukiiae yoo n tuu yoo.

Yaŋ 10:4

Biit daanɔ baka kaa Yennu po. U yuwannu ni, u dukii nan Yennu ki kpaa talasi.

Yaŋ 50:17

I ki sak nan min ŋmakiti, ki yêt n sennu.

Yaŋ 73:28

Min ŋarin, li ŋan bonchiann nan maa naak Yennu na, n jii Yabint daanɔ Yennu ki u teen n gungurboor. N saa pak wann u toona kur.

Yaŋ 78:22

kimaan bi din ki teenɔ yada, ki bia ki mɔk yada nan u saa fit tinnibi.

Barjokit 1:7

See ki a sint tin Yennu jaŋmaanii, ki wun tura yanfoon. Jatite ki baakit yanfoon, ki bia yêen tumiiu.

Barjokit 5:12

Ki a ji saa yet a, “Bee ki n din ki tumii yami? Bee ki n din ki gaar kpaanii?

Aisaya 1:5

Bee ki i tukin tee mɔyêtuk dammi? I loon yin la tubdatu bonchianne-e? Israel teeb, i yura poŋ gbee nan fiate, ki i para nan i yan ji kaa laafia.

Aisaya 29:13

Yennu yet a, “Niib na want a bi jiantirin, ŋaan bi mɔbona na kaa gbinni, ki bi para fɔk nanin. Bi jiantu kpan tee bi kaar, nan bi danmarima kɔɔe, ki bi tumiir ki tian li yetu yoo kur.

Aisaya 31:1

Binba saa Ijipt ki loon sommir na boonta. Bi maa Ijipt kpanbar kunkɔnkɔnna paŋ paake, li taanii nan taantorit nan li jab, ŋaan bi ki maa Israel teeb kasii Yabint Yennu na paaki, koo ki boiɔ sommir po.

Aisaya 43:22

Ki Yennu yet a, “Ŋaan yimm Israel teeb din miatime, ki ki jiantirin.

Aisaya 9:12

Siria teeb nba be yondo po, nan Filistia teeb nba be yonbaa po na yaat mɔi-e, ki nak Israel teeb. Linba na lek, ŋaan Yennu wutoor ki maaki, u nuu bia tiane a wun dat bi tuba.

Jeremaya 13:25

U yet nan a joontu sii tee nnae. Waa lor wun teena biaŋinbae na, kimaan a tamm u poe, ki waa tingbana.

Jeremaya 2:30

N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 22:21

Yennu pak nani yoo nba ki i mɔkitir nae, ŋaan ki i yêt gbiintu. I tuun nnae i manfoor kur ni, i ki ban sak Yennu mɔbi.

Jeremaya 32:33

Bi ŋmant bi poore ki turin, ki maa lek tumiib yoo kur na, ŋaan bi ki loon bin gbiint ki banni.

Jeremaya 35:17

Li paak, min Yabint Daanɔ nba tee Israel teeb Yennu na saa baar nan biiru nba kur ki n senn na, yimm Juda nan Jerusalem teeb paak. N saa tun linba na, kimaan i ki gbiint yoo nba ki n pak nani na, ki bia ki toon yoo nba ki n yiini na.”

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Esekiel 22:24

“Nisaarik, betir Israel teeb a bi tiŋ na gbee nan toonbiite, li paak, min Yennu donn wutoor ki yaa man dat bi tubae.

Esekiel 24:13

ŋaan Jerusalem mantik gbee nan bonchonchonsin nan toonbiit nba ki n kan fit wuur ki ŋammɔe. Li saa biar ki be jakint nie, nan maa tan saa te n wutoor n baar i paak.

Sefania 1:6

N saa biir binba yêt ki ji ki waan, ki bia ki baat n boor ki boi a man ŋmakitib na.”

2 Timoti 3:16

Maan nba kur be Yennu gbouŋ ni na nyii u mɔb nie, ki li kur mɔk nyɔɔte, ki wantit u po, ki kpaanit, ki ŋammit ti benu, ki wantit yentinu sɔnu,

Hiibru teeb 10:22

ii ŋaan ki tin chat nakin Yennu man nan para nba be fanu, nan barmɔnii yada, ki daa mɔk birsuk, nan ti para nba ki Yiisa sɔn nyinn dudukbiit li ni na, nan ti gbanant nba ki ti din wuur nan nyun nba kaa jakint na.