Sefania 3:19 - Yennu Gbouŋ Mɔɔr

¹⁹ Yoo baate, ki n tan saa dat binba dia-i diabiik na tuba. N saa nyinn wɔbii na kur bi wahala ni, ki kpen nan binba tee yommii ki be digbangann na. N saa ŋmant bi fei dinu na ki li ji sii tee jirima, ki durinya niib kur saa pakib.

Sefania 3:19 ပူးပေါင်းရင်းမြစ်များ

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 33:1

Ti datai boonta. Bi fate ki bia fikit, ŋaan ki sɔɔ ki fatib koo ki fikitibi. Bi fatu nan bi fikitu yoo maŋ-i gbenn, niib mun saa fatib ki fikitiba.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Aisaya 60:18

Sɔɔ ji kan gbat jat fuuri, ki biiru ji kan ban bukir a tiŋi. N saa guura ki kɔn a paak nan joonjouk nae, ki a saa dontin, kimaan maa tinna na paak.

Aisaya 61:7

I fei nan yukpiasir kur gbenna. I sii be i tiɔŋ tiŋ ni, ki i mɔkint saa pukin, ki i parpeenn sii be yoo kur.

Aisaya 62:7

Bi daa teenɔ yaak, see ki u tan fiin Jerusalem, ki teenir doo nba ki durinya kur saa pak dont.

Jeremaya 30:16

Ŋaan mɔtana n saa biir binba kur biiri na, ki bi saa soor i datai kur ki teemm yommii. Binba dinti biak na kur mun saa di biak, ki binba fiar i bona na, siab mun saa fat bi yara.

Jeremaya 30:19

Niib nba be leŋ na saa yin dontir yaŋ, ki hoot nan kpinkpammuk. N piisin saa te ki bin pɔt, ki bia turib baakir.

Jeremaya 31:8

N saa nyi namm gaŋ po ki baar namm, ki bia nyi namm tingbouŋ na kpinii kur po ki baar namm. Jɔɔnii nan dianii saa weib ki baar, ki podamm nan binba yaa bin mar kur saa baar. Bi saa jen ki tee digbanjaanne.

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Esekiel 16:27

“Mɔtana, n wokit n nuu maa n dat a tubir, ki wat a yent na. N jiia ki tur Filistia teeba, binba ki loon a maan, ki bia nan a binbenbiit na.

Esekiel 16:57

Ŋaan mɔtana, sɔɔ kur bann faa ton biaŋinbawa. Ki Siria nan Filistia teeb digbana, nan digbanlia ki loona, ki piak ki sukii-a.

Esekiel 34:16

“N saa lon binba bot nawa, ki jen nan binba lin yirib na, ki lor binba la danii na fiat, ki bia teb binba yiar na, ŋaan boont binba nɔr ki mɔk paŋ na, kimaan mine tee pekpaarik nba tuun linba took.

Esekiel 39:13

Ki binba kur be tiŋ na ni saa somm ki bin pii nikpeena na. Ki bi saa la baakir, n nyannu daar na ni, linba na paak. Min Yabint Yennu-e pak na.

Esekiel 39:26

Israel teeb nba tan sii be bi tiɔŋ tiŋ ni, bi yamani, ki sɔɔ ki jeentib na, bi saa tamm biaŋinba ki bi din dii fei, yoo nba ki bi din tun ki biirin nawa.

Maika 7:10

Tɔn, ki ti datai saa la linba na, ki di fei. Ŋamme tee datai nba bo sarikitit ki yeen a, “I Yomdaanɔ Yennu na be lee?” Ti saa la ki bin nyannib, ki ŋmaatib nan tanmaatit na, sɔnjot ni.

Sefania 3:15

Yennu nyik i tubdatu nawa, u nyinn i datai kura. Yennu nba tee Israel teeb kpanbar na be nani. I ji daa tiin jaŋmaanii.

Sekaria 8:23

Daa maŋ ni, nigamm piik tan saa baar Juu nirɔ boor, ki yet a, ‘Ti loon ki timm nan fine n libin kii be, kimaan ti gbat a Yennu be nana.’ ”

Sennu 26:19

U saa te ki yin teen digbanjaann ki gar binba kur ki u namm. Ki i saa tur u sann dontir nan baakir, kii tee u tiɔŋ niib nan waa senn na.”

Hiibru teeb 12:13

kii tɔk sɔnu nba took, ki wunba ki waa barmɔnii na n set fanu ki daa baa.

Fiitu 20:9

Ki bi tia lint lokir kur po, ki tant ki saa bia lint Yennu niib nba be sian na, nan doo nba ki Yennu mantik loon na. Ki muu nyii Yendɔuŋ ni ki tan diib.

Barbuura 1:7

Ki Adoni-besek yet a, “Batnba piinlore tuu be n teebul lɔŋ ni, ki bi niibijaba nan taabijaba pota, ki bi tɔkii jebura; mɔtana Yennu jiintin linba ki n bo tun ki turib nae.” Ki bi din jiiu ki saan nanɔ Jerusalem, ki u saa kpo leŋ.